दोस्रो संस्करणको ‘एक्सपर्ट पब्लिक स्पिकिङ च्याम्प–२’ को दोस्रो चरणमा छनौट भएका प्रतिस्पर्धीहरुको प्रशिक्षण भोलि (मंगलबार)देखि भरतपुरमा सुरु हुँदैछ ।
विभिन्न क्षेत्रमा भएका अडिसनबाट छनौट भएका प्रतिस्पर्धीहरुमा निखारता ल्याउन चार दिने अडिसन सुरु हुन लागेको हो । असोज २८ गते (मंगलबार)देखी विहान ११ बजेबाट हुने अडिसन कार्तिक १ गतेसम्म चल्नेछ । प्रशिक्षणका लागि ४९ वटा स्कुल÷कलेजबाट १०६ जना विद्यार्थी छनौट भएको आयोजक विमोचन इभेन्ट एण्ड इन्टरटेनमेन्ट प्रालिका प्रवन्धक विमोचन आचार्यले जानकारी दिए ।
छनौट भएका सबै प्रतिस्पर्धीलाई मिस नेपाल २००५ सुगारिका केसी, मिडिया पर्सनालिटी राधाकृष्ण (आरके) धिताल र उत्प्रेरक व्यक्तित्व प्रोफेसर डा.होमबहादुर बस्नेतले प्रशिक्षण दिने प्रवन्धक आचार्यले बताए । प्रशिक्षण कार्यक्रम होटेल स्टार व्याङक्वेट भरतपुरमा हुनेछ । सो कार्यक्रममा प्रतिस्पर्धी विद्यार्थीहरुलाई पब्लिक स्पिकिङ, मोटिभेसन र पर्सनालिटी डेभलपमेन्टको बारेमा प्रशिक्षण दिइने प्रवन्धक आचार्यले बताए ।
एक्सपर्ट एजुकेसन एण्ड भिसा सर्भिसेस नारायणगढको मुख्य प्रायोजनामा सुरु भएको दोस्रो चरणको प्रतियोगिता मंसिर १३ गते सकिदैछ । प्रतियोगिताका लागि ग्रीनफिल्ड इङ्लिस स्कुल दारेचोक मुग्लिन, पूर्वी चितवनको पर्सास्थित रेडक्रस भवन, कावासोतीको सिद्धार्थ इङ्लिस स्कुल, न्यू क्यापिटल कलेज टाँडी रत्ननगर, भरतपुरको दिव्यनगर र गैंडाकोटको जनक उच्च मावि, नारायणगढको नारायणी कलामन्दिरमा अडिसन भएको थियो ।
यस प्रतियोगितालाई सेन्ट्रल कलेज अफ भोकेसनल ट्रेनिङ सेन्टरले प्रायोजन गरेको छ । स्पिकिङ च्याम्पमा कक्षा ७ देखि १२ सम्मका विद्यार्थीहरुले भाग लिएका छन् । प्रतियोगितामा पहिलो, दोस्रो र तेस्रो हुनेलाई क्रमश ५० हजार, ३० हजार, २० हजार मेडल, ट्रफी र प्रमाणपत्र वितरण गरिने बताइएको छ ।
यस प्रतियोगिताको आधिकारिक अनलाइन पार्टनमा नारायणी अनलाइन डटकम रहेको छ । प्रतियोगिताको पहिलो संस्करणमा अरोमा कलेजका चिन्तामणि सुवेदी प्रथम, वाल्मीकि शिक्षा सदनकी साधना पौडेल द्धितीय र न्यू क्यापिटल कलेजकी ज्योति शर्मा तृतीय भएका थिए ।
प्रतियोगिताको दोस्रो चरणमा छनौट भएका प्रतिस्पर्धीहरुका नामावली यसप्रकारको छः
