जनता बैंक नेपाल लिमिटेडले गैडाकोटमा अवस्थित मौलाकालिका मन्दिर क्षेत्र सरसफाई गरेको छ । आज एक कार्यक्रमका बिच जनता बैंक चितवनका आठ शाखाका कर्मचारीले सरसफाई गरेका हुन् । मन्दिरको प्रवेशद्धार फेदीबाट मन्दिर परिसरसम्म र मन्दिर रहेको स्थानमा समेत सरसफाई गरिएको थियो । सो क्रममा मन्दिरको फेदिबाट मन्दिरसम्मका सम्पूर्ण खुट्कीलाहरुमा कुचो लगाई सफाई गरीएको थियो भने मन्दिरको बाटो वरपर रहेका विभिन्न फोहोरहरुलाई संकलन गरी एकिकृत गरीएको थियो ।
बैंकले आजै एक कार्यक्रमको आयोजना गरी मन्दिर र सो वरपरको फोहोर संकलनका लागी डस्टविन हस्तान्तरण गरेको छ । मन्दिर परिसरमा आयोजित कार्यक्रमका जनता बैंक नेपाल लिमिटेडका नारायणगढ क्षेत्र प्रमुख सञ्जय शर्माले मन्दिर व्यवस्थापन समितका उपकोषाध्यक्ष सुवन प्रसाद ढकाललाई १२ थान डस्टविन हस्तान्तरण गर्नुभयो । सोही क्रममा बैँकका नारायणगढ क्षेत्र प्रमुख शर्माले संस्थागत सामाजिक उत्तरदायित्व अन्तर्गत रहेर आगामी दिनमा पनि मन्दिरलाई लक्षित गरी अन्य सामाजीक कार्यहरु गरिने प्रतिवद्धता ब्यक्त गर्नुभयो । कार्यक्रममा बैंकका नारायणगढ, भरतपुर, रामपुर, भण्डारा, गितानगर, टाँडी र माडी शाखाका गरी ८० जना कर्मचारीहरुको सहभागीत रहेको थियो ।
