भरतपुरको बालमन्दिर रोडमा रहेको भेन्डोर इन्टरप्राइजेजको नयाँ शाखा भरतपुरको धर्मचोकमा खुलेको छ ।
विनोद ट्रेडर्सको नाममा खोलिएको सो शाखाको उद्योग वाणिज्य संघ चितवनका अध्यक्ष सहन प्रधानले उद्घाटन गरेका हुन् । करिब एक करोडको लगानीमा शाखा खोलिएको ट्रेडर्सका प्रोपाइटर विनोद श्रेष्ठले जानकारी दिए । प्लाई, मोडुलर किचन, इन्टर डेकोरेसन, सरकारी इन्जिनियरसँग सहकार्य गरेर, घर निर्माणको काम सम्पन्न गरिने काम गरिने उनले बताए । यसका साथै ट्रेडर्समा कोरिएन वालपेपर, नर्मल वालपेपर, मेटलको झ्याल ढोकाको पाइने श्रेष्ठले बताए ।
यसैबीच उधोग वाणिज्य संघ चितवनका अध्यक्ष प्रधानले भरतपुर महानगरले व्यवसायको करको पाँच प्रतिशत उद्योग वाणिज्य संघलाई दिँदै आएकोमा सो रकम व्यवसायीकरणमा खर्च गर्ने जानकारी दिए । नेपालमा अवसर नभएको आम गुनासो रहेको बेला आफ्नो ठाउँबाट व्यवसायिक क्षेत्रमा अगाडि बढेकोमा व्यवसायी श्रेष्ठलाई अध्यक्ष प्रधानले शुभकामना दिए ।
