बाघको आक्रमणमा परी घाइते भएका माडी नगरपालिका–६, कल्याणपुरका गंगाधर सुवेदीको निधन भएको छ ।
भरतपुर अस्पतालमा उपचारको क्रममा सुवेदीको शनिबार दिउँसो निधन भएको जिल्ला प्रहरी कार्यालय चितवनले जनाएको छ । उपचारको क्रममा सुवेदीको टाउकोको शल्यक्रिया समेत गरिएको थियो । उनको शनिबार नै देवघाटमा अन्त्येष्टी गरिएको छ ।
असार ३ गते दिउँसो माडीको सिमरा गाउँ नजिकै काँस घारीमा गाईवस्तु चराउन गएका ६७ वर्षीय सुवेदीलाई बाघले आक्रमण गरेको थियो ।
