अविरल वर्षाका कारण आज (शनिवार) भरतपुर बिमानस्थलका सबै उडान रद्द भएका छन् । उडानका लागि प्रयाप्त भिजिवलिटी नपुगेका कारण उडान रद्द भएको भरतपुर नागरिक उड्डयन कार्यालयका उपप्रबन्धक केशव लम्सालले जानकारी दिनुभयो । उडान रद्द भएपछि यात्रुहरु गन्तव्यमा जान पाएनन् ।
भरतपुर विमानस्थलबाट दैनिक आठ उडान हुने गरेका छन् । बुद्ध एयरको पाँच र एती एयरको तीन उडान नियमित हुने गरेको छ । बुद्ध एयरले चार उडान काठमाडौं र एक उडान पोखराका लागि भर्ने गरेको छ ।
