सत्तारुढ दल राष्ट्रिय स्वतन्त्र पार्टी (रास्वपा) की सचेतक क्रान्तिशिखा धितालले रोल्पामा बाढी–पहिरोले पुर्याएको क्षति र नागरिकले भोग्नुपरेको सास्तीबारे संसद्को ध्यानाकर्षण गराएकी छन्।
आजको बैठकमा धितालले रोल्पाको थवाङ, सुनछहरी र लुङ्ग्रीमा गएको बाढी–पहिरोमा परेर हालसम्म १७ जनाको मृत्यु भइसकेको र अझै धेरै व्यक्ति बेपत्ता रहेको बताइन्।
धितालले मान्छेको अमूल्य ज्यान केवल तथ्याङ्क र अङ्कमा सीमित भएको देख्दा डर लाग्ने बताइन्। उनले भनिन्, ‘१७ जनाको मृत्यु वा बेपत्ता हुनु भनेको केवल सङ्ख्या होइन, १७ वटा संसार र सपनाहरू चिनिनु हो। कसैको काख रित्तिँदाको पीडा कुनै राहतको पोका वा प्याकेजले मेटाउन सक्दैन।’
