प्रदीप खड्का स्टारर फिल्म ‘प्रेमगीत ३’ लाई नेपाल टेलिकमले १ रुपैयाँमा देखाउने भएको छ । टेलिकमले फेसबुक पेजमार्फत आउने शनिबारदेखि प्रयोगकर्ताले यो फिल्म हेर्न पाउने जनाएको हो ।
टेलिकमको एनटीटिभीमा १३ पुस शनिबारदेखि यो फिल्म हेर्न पाइने उल्लेख छ ।
शनिबार एकदिनको लागि मात्र दर्शकले यो फिल्म हेर्न पाउनेछन् । छेतेन गुरुङ र सन्तोष सेनले निर्देशन गरेको यो फिल्ममा प्रदीप खड्कासहित क्रिस्टिना गुरुङ, मनिष राउत, शिव श्रेष्ठ, प्रेम पुरी र सुनिल थापाको अभिनय छ । प्रेमकथामा आधारित फिल्म हलमा भने नेपाली र हिन्दी भाषामा प्रदर्शन भैसकेको छ ।
