बालेन्द्र शाह (बालेन) ले काठमाडौं महानगरपालिकाको मेयर भएको पहिलोवर्ष नेताका नामका प्रतिष्ठान, फाउन्डेसन र संघ–संस्थालाई १२ करोड रुपैयाँभन्दा बढी रकम वितरण गरेको पाइएको छ ।
निर्वाचित भएपछि बालेनले काठमाडौं महानगरपालिकाको पहिलो बजेट २०७९ असार १० गते ल्याएका थिए । नगरसभामा उपमेयर सुनिता डंगोलले उक्त वर्ष काठमाडौं महानगरपालिकाका लागि २५ अर्ब ४१ करोड ९६ लाख ९६ हजार रुपैयाँ बजेट प्रस्तुत गरेकी थिइन् ।
त्यही रकममध्ये १२ करोड १५ लाख रुपैयाँ बालेनले कारवाही गर्नुपर्ने विभिन्न नेताका नाममा सञ्चालित प्रतिष्ठान, फाउन्डेसन र संघसंस्थालाई वितरण गरेको पाइएको हो ।
महालेखापरीक्षकको कार्यालयले हालै सार्वजनिक गरेको काठमाडौं महानगरपालिकाको आर्थिक वर्ष २०७९र८० को अन्तिम लेखापरीक्षण प्रतिवेदनमाअनुदान स्वरुप उपलब्ध गराएको रकमबारे प्रश्न उठाइएको छ ।
