आइसिसी टी–२० विश्वकप क्रिकेट अन्तर्गत दोस्रो सेमिफाइनल खेलमा इङ्ग्ल्यान्डले टस जितेर पहिला फिल्डिङ रोजेको छ।
प्रोभिडेन्स स्टेडियम गुयानामा इङ्ग्ल्यान्डका कप्तान जोस बटलरले टस जितेर भारतलाई पहिला ब्याटिङको निम्तो दिएका हुन्। यस अघि नेपाली समयअनुसार राति ८ः१५ बजेदेखि खेल सुरु हुने तालिका रहेपनि वर्षा बाधक बन्दा समयमै टस हुन सकेको थिए।
रोहित शर्माको कप्तानीमा रहेको भारत जारी सिजनमा अपराजित रहँदै सेमिफाइनलमा पुगेको हो भने जोस बटलरको कप्तानीमा रहेको इङ्ग्ल्यान्ड समूह चरण र सुपर ८ को उपविजेता बन्दै सेमिफाइनलमा पुगेको हो। आजको खेलमा जित निकाल्ने टिमले उपाधिका निम्ति दक्षिण अफ्रिकाविरुद्ध खेल्ने छ।
यसअघि दक्षिण अफ्रिकाले पहिलो सेमिफाइनलमा अफगानिस्तानविरुद्ध नौ विकेटको जित निकाल्दै फाइनलमा स्थान बनाएको थियो।
