भरतपुर महानगरपालिका–१२ स्थित रामवेल सामुदायिक वन उपभोक्ता समूहको आयोजनामा २५ जनालाई सिपमुलक कपाल काट्ने तालिम दिइएको छ । सिजि ल्याण्डमार्कस्थित पपुलर युनिसेक्स सैलुनका प्राविधिकले कपाल काट्ने प्रशिक्षण दिएका हुन् ।
४५ दिने उक्त तालिमको मंगलवार एक कार्यक्रमका बीच समापन गरिएको हो ।
तालिमलाई जिल्ला वन पैदावार आपूर्ती समिति चितवनले पनि सहयोग गरेको थियो । युवाहरुलाई जिविकोपार्जनमा जोड्नका लागि कपाल काट्ने तालिम दिइएको हो ।
कपाल काट्ने सिप सिकेका उनीहरुले भविष्यमा कपाल तथा दारी काट्ने व्यवसाय सञ्चालन गर्न सक्षम भएका छन् ।
