भारतीय धनाढ्य मुकेश अम्बानीका छोरा अनन्त र प्रेमिका राधिका मर्चेन्टको प्रि-वेडिङ समारोह युरोपमा तय छ । २९ मे देखि १ जुनसम्म दक्षिण फ्रान्सको समुन्द्री तटमा समारोह हुने जनाइएको छ ।
भारतीय मिडियाका अनुसार यो वैवाहिक समारोहका लागि बलिउड सेलिब्रेटी सलमान खान, आलिया भट्ट, रणवीर कपुर, रणवीर सिंह, क्रिकेटर एमएस धोनी, इन्फ्लुएसर ओरी लगायत इटाली प्रस्थान गरेका छन् ।
त्यसतर्फ लाग्नुअघि यी सेलिब्रेटी सोमबार मुम्बई विमानस्थलमा देखिए । आलिया र रणवीर छोरी राहासहित एयरपोर्टमा देखिए । सलमान चाहिं फिल्ममेकर एट्लीसहित देखिएका थिए ।
अनन्त र राधिकाको विलासी प्रि-वेडिङ समारोह चार दिनसम्म चल्नेछ । यो समारोह फ्रान्स र इटालीमा आयोजना हुँदैछ ।
जुलाईमा अनन्त र राधिकाले विवाह गर्ने जनाइएको छ ।
