माडी नगरपालिकाले कृषिलाई प्राथमिकता राख्दै नीति तथा कार्यक्रम र बजेट प्रस्तुत गरेको छ । नगर प्रमुख तारा कुमारी काजी महतोले आर्थिक वर्ष २०८०÷८१ को लागि नीति तथा कार्यक्रम प्रस्तुत गर्दै पहिलो प्राथमिकता कृषिलाई राख्नु भएको हो ।
‘व्यवसायीक कृषि, आत्मनिर्भर माडी’ भन्ने मुल मन्त्रसहित नगरपालिकाले सिँचाई अन्तरगत साना, मझौला र ठूला बोरिङ निर्माण, कुलो लाइनिङ तथा भूमिगत पाइप लाइनिङको निर्माण तथा विस्तारलाई प्राथमिकता दिएको छ । नगरले विदेशबाट फर्किएका र बेरोजगार युवाहरुलाई कृषि क्षेत्रमा आकर्षित गर्न युवा लक्षित स्वरोजगार कृषि कार्यक्रमहरु संचालन गरिने नीति तथा कार्यक्रममा उल्लेख गरेको छ । नगरपालिकाले पशु र मत्स्यजन्य उत्पादन, पर्यटन, युवा लक्षित कार्यक्रम, खानेपानीलाई प्राथमिकतामा राखेर कार्यक्रम निर्माण गरेको छ ।
यस्तै ११औं नगरसभामा नगर उपप्रमुख खेल खेमप्रसाद मतोले आर्थिक वर्ष २०८०/८१ का लागि कुल ९६ करोड ६९ लाख २ हजार ४२७ रुपैयाँ विनियोजन गरेको जानकारी दिए । यो चालू आर्थिक वर्ष भन्दा ४३ करोड कम बजेट हो ।
संघीय सरकारबाट अन्तरसरकारी वित्तिय हस्तान्तरणबाट ५८ करोड ९० लाख ९ हजार र प्रदेश सरकारबाट प्राप्त हुने वित्तिय हस्तान्तरणबाट १६ करोड २९ लाख ७३ हजार र नगरको आन्तरिक आम्दानी १५ करोड ९ लाख २० हजार रुपैयाँ प्रक्षेपण गरिएको उपप्रमुख महतोले जानकारी दिए ।
यस्तै नगरले सबै वडालाई विकास निर्माणमा सक्रिय सहभागिता गराउने र सम्बन्धित वडाबाटै छनोट भएका योजनाहरुलाई सम्बोधन गर्न वडा विशेष बजेट विनियोजन गरेको छ । वडा तह अनुसारको बजेट यसप्रकारको छः
वडा नं.१ का लागि १ करोड १० लाख वडा नं.२ का लागि १ करोड वडा नं.३ का लागि १ करोड वडा नं.४ का लागि ९० लाख वडा नं.५ का लागि ९० लाख वडा नं.६ का लागि १ करोड वडा नं.७ का लागि १ करोड वडा नं.८ का लागि ९० लाख वडा नं.९ का लागि १ करोड ४५ लाख
