अभिनेता आर्यन सिग्देल आफ्नो दुस्मनी कसैसँग नभएको भन्दै स्पष्टिकरण दिएका छन् । केही दिनअघि युट्युबमा सार्वजनिक भएको सञ्जय गुप्ताको पोडकास्टमा आर्यनले विराज भट्ट जत्तिको नेचुलर एक्सन गर्ने हिरो नेपालमा अरु नभएको भन्ने अभिव्यक्तिले दिएपछि उनी आलोचत बनेका हुन् ।
आर्यनले निखिल उप्रेतीलाई बेवास्था गरेको भन्दै सामाजिक सञ्जालमा चर्को अलोचना भएपछि उनले सामाजिक सञ्जाल फेसबुकमार्फत लामो स्टाटस लेख्दै स्पष्टिकरण दिएका हुन् । साथै उनले आफूबाट केही गलत भएको भए क्षमा समेत मागेका छन् ।
आर्यनले विराज र निखिलसँग कुनै पनि दुस्मनी नभएको र दुवै नेपाली फिल्मको ‘एक्सन किङ’ रहेको बताएका छन् । आफूले विराज भट्टभन्दा निखिल उप्रेती ठूलो र निखिल उप्रेतीभन्दा विराज भट्ट ठूलो भन्न नखोजेको पनि उनले स्पष्ट पारेका छन् ।
