पाचौं वार्षिकोत्सवको अवसरमा सिटिजन लाइफ इन्स्योरेन्स नारायणगढ चितवनले सरसफाइका सामग्री सहयोग गरेको छ ।
आज (बिहीबार) नारायणगढको नारायणी नदी किनारमा रहेको प्राचिन एवम् प्रख्यात हरिहर मन्दिरलाई डष्टबिनलगायतका सरसफाइका सामग्री इन्स्योरेन्सले प्रदान गरेको हो । सो अवसरमा इन्स्योरेन्सले मन्दिर र मन्दिरको वरपर सरसफाइ समेत गरेको थियो ।
इन्स्योरेन्सका नारायणगढ शाखा प्रमुख गोकर्ण कार्कीले कम्पनीको वार्षिकोत्सवमा गरिएको काम र कम्पनीको बारेमा मन्तव्य राख्नुभएको थियो । आगामी दिनमा मन्दिरका लागि सक्दो सहयोग गर्ने उहाँले प्रतिबद्धता व्यक्त गर्नुभयो । मन्दिर सञ्चालक समितिबाट सचिव प्रचण्डलाल प्रधानले धर्म संस्कृति बचाउन सहयोेग गरेकोमा आभार प्रकट गर्नुभयो ।
उक्त कार्यक्रममा इन्स्योरेन्सबाट बले राना, दलबहादुर खत्री, ममता चालिसे, बिना गौतम, केशरी राना, रुपा गिरी, मन्दिरको तर्फबाट किरण गोविन्द अमात्य, श्यामकली पियालगायतको उपस्थिति रहेको थियो । कार्यक्रमको सञ्चालन इन्सोरेन्सका म्यानेजर प्रेम अछामीले गर्नुभएको थियो । पाँच वर्षमा इन्स्योरेन्सले ३६ वटा शाखा खोलेको छ ।
