समाजसेवी मुरलीप्रसाद गजुरेलको पहलमा चार जना विद्यार्थीलाई साइकल सहयोग जुटेको छ ।
राप्तीको कोराक चिप्लेटीका एकजना र पर्सा रसौलीका तीनजनाले साइकल सहयोग उपलब्ध भएको हो ।
राप्ती नगरपालिका–१० कोराक चिप्लेटीका सरोज चेपाङ गाउँदेखि झण्डै सात किलोमिटर पर वीरेन्द्रनगरको क्याम्पसमा ११ कक्षा पढ्न आउँछन् । टाढाबाट पढ्न आउने भएका कारण उनका लागि साइकल सहयोग प्राप्त भएको हो ।
खैरहनी नगरपालिका–६ का राजेश्वर सापकोटाका अष्ट्रेलियामा बस्ने छोरा खगेन्द्रले चारवटा साइकलका लागि सहयोग रकम उपलब्ध गराएका हुन् । आज सरोज चेपाङले साइकल पाएका छन् । रसौलीबाट नौ किलोमिटर जति टाढा खैरहनीमा कक्षा ११ मा पढ्न आउने तीनजना विद्यार्थीलाई केही दिनपछि साइकल हस्तान्तरण हुनेछ । सरोज चेपाङका लागि भर्ना, पोशाक र स्टेशनरी सहयोग पनि समाजसेवी मुरलीप्रसाद गजुरेलको पहलमा जुटेको थियो ।
