ललितपुर महानगरपालिकाले फुटपाथ मिचेर, नक्सा विपरीत बनाइएका अनधिकृत संरचना भत्काउन दशैंसम्मको समय दिएको छ ।
ललितपुर महानगर प्रहरी प्रमुख सिताराम हाछेथुका अनुसार महानगरले टो–टोलमा गएर अनधिकृत रुपमा निर्माण भएका संरचना हटाउन माइकिङ गर्दै निर्देशन दिएको हो ।
ललितपुर महानगरपालिकाले लगनखेलस्थित आफ्नै भवनमा नियम विपरीत बनाएको संरचना हटाएर अनधिकृत संरचना हटाउन सुरु गरेको छ । ठेक्कामा दिएको उक्त भवनमा फुटपाथसम्म ओगटेर नियम विपरीत क्वालिटी क्याफे सञ्चालनमा थियो ।
