नेपाली कांग्रेस चितवनका पूर्वसभापति जीतनारायण श्रेष्ठले आसन्न संघीय निर्वाचनमा चितवन क्षेत्र नं.२ मा उम्मेद्वारी दिन कांग्रेस क्षेत्रीय समितिमा नाम दर्ता गराएका छन् ।
आज (बुधबार) विहान श्रेष्ठले कांग्रेस क्षेत्र नं.२ का सभापति भरतप्रसाद लामिछानेलाई नाम दर्ताका लागि निवेदन दिएका हुन् ।
श्रेष्ठले यसअघि नै क्षेत्र नं.२ बाट निर्वाचन लड्ने घोषणा गरेका थिए । क्षेत्र नं.२ को उम्मेद्वार बन्नका लागि आज अपरान्ह सम्म नाम दर्ताको समय तोकिएको छ । यसअघि मंगलबार क्षेत्र नं.१ मा उम्मेद्वार बन्नका लागि प्रधानमन्त्री कार्यालयका राज्यमन्त्री उमेश श्रेष्ठसहित राष्ट्रिय योजना आयोगका उपाध्यक्ष डा.विश्व पौडेल र पूर्व उपाध्यक्ष डा.स्वर्णीम वाग्लेसहितले नाम दर्ता गराएका छन् ।
