कमेडी श्रृङ्खला ‘कमेडी हब’ मा भगवान शिवको अपमान गरेको भन्दै गायक संजय श्रेष्ठले बन्द गर्न माग गरेपछि केदार घिमिरे ‘माग्ने बुढा’ले माफी मागेका छन् ।
आफू निर्देशित टीभी शो ‘कमेडी हब’ को ट्रेलर विवादमा तानिएपछि उनले अन्जानमा आफूहरुबाट गल्ती भएको स्वीकार्दै भगवान शिवको भिडियो युट्युब, टिकटक र फेसबुक सबैतिरबाट हटाएका हुन् ।
गएराति सार्वजनिक गरिएको ट्रेलरमा हिन्दूहरुका आराध्यादेव भगवान शिवजीलाई मजाक बनाइएको भन्दै गायक संजय श्रेष्ठले कार्वहिको माग गरेका थिए ।
