चितवन विशेष
चितवनमा भन्सार छलेर ल्याएको ५५ लाख बढिको चिनीसहित ट्रक नियन्त्रणमा
०
चितवन,साउन ९-
चितवनमा भन्सार छलेर ल्याएको चिनीसहित ट्रक प्रहरीले नियन्त्रणमा लिएको छ । आइतबार दिउसो २ बजे खैरहनी नगरपालिका ६ पुरानो पर्साबाट चिनीसहित ट्रक प्रहरीले नियन्त्रणमा लिएको हो ।
विशेष सूचनाका आधारमा प्रहरीले लु २ ख १०३२ नम्बरको ट्रकलाई इलाका प्रहरी कार्यालय खैरहनीबाट प्रहरी निरीक्षक अनोज विकको कमाण्ड टोलीले नियन्त्रणमा लिएको छ । प्रहरीले खैरहनी ६ को पराजुली खाद्य उद्योग अगाडी रोकिराखेको ट्रकमा प्रतिबोरा ५० किलोको ४२० बोरा (२१० क्विनटल) चिनी रहेको जनाएको छ । सो चिनीको बजार मूल्य ५५ लाख ६९ हजार रहेको छ । ट्रकका चालकलाई समेत नियन्त्रणमा लिएर आवश्यक कारवाहीको लागि राजश्व अनुसन्धान कार्यालय पथलैया बारामा पठाइएको जिल्ला प्रहरी कार्यालय चितवनले जानकारी दिएको छ ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
ताजा समाचार
छुटाउनु भयो कि?
>