चितवनमा बाघको आक्रमणबाट फेरि एक जना घाइते भएका छन् ।
आज विहान ६ बजेको समयमा पूर्वीचितवनको राप्ती नगरपालिका–१ डिपार्टस्थित गाउँबस्ती नजिकै खेतमा तरकारी टिप्न गएका स्थानीय ४३ वर्षीय इन्द्रबहादुर थिङलाई बाघले आक्रमण गरि घाइते बनाएको हो । थिङको अनुहार र घाटीमा चोट लागेको छ । उपचारका लागि उनलाई भरतपुर ल्याईएको छ ।
यस्तै सोही बाघले आक्रमण गरी स्थानीय सुक बहादुर थिङको एउटा भैंसी र सुकराम तामाङको दुईवटा वटा बंगुर मारेको प्रहरीले जनाएको छ । यस्तै जित बहादुर थिङको १ गाई समेत घाईते बनाएको छ ।
