आज बेलुका ८ बजे हिमालय टीभीबाट रियालिटी शो ‘द भ्वाइस किड्स’को प्रसारण हुने भएको छ । बालबालिकाहरुको गायन प्रतिभालाई यस रियालिटी शोले निखार्ने गर्छ ।
६ वर्षदेखि १४ वर्ष उमेर समूहका बालबालिकाहरुले सहभागिता जनाएको यो कार्यक्रमको ‘ब्लाइण्ड अडिसन’ आजबाट प्रसारण हुने भएको हो ।
हिमालय टीभीमा शुक्रबार र शनिबार बेलुकी ८ बजेबाट प्रसारण हुने छ । २० भागसम्म प्रसारण हुने उक्त शोमा राजु लामा, प्रमोद खरेल, प्रविशा अधिकारी र मिलन नेवार कोचको रुपमा रहेको छन् ।
राजु र प्रमोद यसअघि ‘द भ्वाइस अफ नेपाल’को तीनवटा श्रृंखलामा कोचको रुपमा प्रस्तुत भएका थिएभने मिलन र प्रविशाका लागि यो शो नयाँ रहेको छ ।
