गायिका इश्वरी बरालको ‘खानदानी छोरी’ सार्वजनिक भएको छ । एकपछि अर्को गीतबाट चर्चा बटुल्दै आएकी गायिका बरालले युवा पुस्तालाई लक्षित गर्दै नयाँ गीत ‘खानदानी छोरी’ बजारमा ल्याएकी हुन् । गीतमा बरालको स्वर र राजेन्द्र भट्ट (मिस्टर आरजे)को र्याप रहेको छ ।
टुरिष्ट जंग विकको शब्द रहेको यस गीतमा र्यापर भट्टले नै संगीत भरेका छन् । यस गीतसंगै भिडियो पनि निकै आकर्षक बनेको छ । भिडियोमा टिकटक स्टार जुम्ल्याहा दिदीबहिनी इक्षिता, विक्षिता तिवारी र काजी दर्शनको अभिनय रहेको छ । साथै भिडियोमा र्यापर भट्टको अभिनय समेत देख्न सकिन्छ ।
