गायिका मेलिना राईको नयाँ म्युजिक भिडियो ‘आँखामा आँशु’ सार्वजनिक भएको छ।
सेन्टिमेन्टल भर्सनको यस गीतमा स्वर मेलिना राईको रहेको छ भने शब्द प्रदिप सुवेदीको रहेको छ। पुरुषोत्तम न्यौपानेले संगीतवद्ध गरेको यस गीतलाई रिकेश गुरुङले संगीत संयोजन गर्नु भएको हो ।
म्युजिक भिडियोमा कमल सिंह र प्रियाना आचार्य ( मुन्नी ) फिचर्ड हुनुहुन्छ । बुद्ध थापाले छायांकन गरेको यस भिडियोलाई विकास धमलाले सम्पादन गर्नुभएको हो । चर्चित भिडियो निर्देशक निकेश खड्काको निर्देशनमा भिडियो तयार पारिएको हो।
अमेरिकामा रहेर निरन्तर गीत संगीत र कृषि कर्म गरेर अघि बढिरहेका गीतकार राजेश अर्यालले सञ्चालन गरिरहेको अमेरिकाको सबैभन्दा ठूलो नेपाली फार्म ब्रुक मेडो फार्मको लगानीमा भिडियो निर्माण भएको हो । गीतकार अर्यालको अफिसिएल च्यानल ‘राजेश अर्याल’ मार्फत भिडियो सार्वजनिक गरिएको हो। यसअघिका गीत संगीत जस्तै यस गीतलाई माया गरेर प्रतिक्रिया दिन गीतकार सम्पूर्ण नेपाली गीत संगीत प्रेमीलाई आग्रह गरेका छन्।
