भारतीय सुपर स्टार अक्षय कुमारले कोरोनाबाट लड्न भारत सरकारको ‘प्रधानमन्त्री नागरिक सहयोग तथा आपतकालीन राहत कोष’ लाई २५ करोड सहयोग गरेका छन् । उनले ट्वीट गर्दै व्यक्तिगत रुपमा २५ करोड रुपैयाँ सहयोग गर्ने घोषणा गरेका हुन् ।
उनले ट्वीटमा भनेका छन्–‘जनताको जीवन यस समयमा हाम्रो प्राथमिकता हो। हामीले सकेजति सबै मिलेर सहयोग गर्नुपर्छ, गर्नुपर्दछ। म प्रधानमन्त्री नागरिक सहयोग तथा आपतकालीन राहत कोषमा २५ करोड दान दिने घोषणा गर्दछु। यदि जीवन छ भने, त्यहाँ एक संसार छ।’
अहिले अक्षयको यो शैलीले फ्यानहरूको मन जितिरहेको छ। उनले कोरोना पछि सोशल मिडियामा धेरै भिडियोहरू साझेदारी गरेका छन् र सबैलाई सचेत गराएका छन्। अब अक्षयको यो पहलले करोडौं जनतालाई राहत प्रदान गर्ने छ । प्रधानमन्त्री नरेन्द्र मोदीसंग अक्षय कुमारको राम्रो सम्बन्ध समेत रहेको छ ।
