भिडियो
पूजा र पलको ‘दुःखको काँडा’ सार्वजनिक (भिडियोसहित)
चितवन, पुस २४-
बहुप्रतिक्षित चलचित्र ‘म यस्तो गीत गाउँछु २’ को ‘दुःखको काँडा’ बोलको गीत सार्वजनिक भएको छ । भ्वाईस अफ नेपाल २ का प्रतिस्पर्धी सनिष श्रेष्ठको आवाजमा रहेको यस गीत निकै उत्कृष्ट बनेको छ ।
देवल भण्डारीको शब्द रहेको गीतमा चितवने संगीतकार अर्जुन पोखरेलले संगीत भरेका छन् । यस गीतको भिडियो पनि निकै आकर्षक बनाईको छ । भिडियोमा चलचित्रका नायक पल शाह र पूजा शर्मा देखिएका छन् । उनीहरुको मायालाई भिडियोमा दर्शाइएको छ । भिडियोमा रामजी लामिछानेको कोरियोग्राफी रहेको छ ।
सुर्दशन थापाले निर्देशन गरेको यस चलचित्रमा सुर्दशनकै कथा रहेको छ । यस चलचित्रलाई स्वंम पूजा शर्मा र सुदर्शन थापाले निर्माण गरेका हुन् । यस चलचित्रको यसअघि तिम्रो घरको वरिपरी बोलको गीत सार्वजनिक गरिएको थियो । यो गीतलाई दर्शकले खुबै मन पराएका छन् । यसअघि आउँदो फागुन २३ गते प्रदर्शनमा आउँदै छ ।