टेलिभिजन कलाकार कुशल पञ्जाबीको ३७ वर्षको उमेरमा निधन भएको छ । उनी मुम्बईको पाली हिलस्थित आफ्नो कोठामा झुण्डिएको अवस्थामा मृत फेला परेका हुन् ।
मुम्बई प्रहरीले उनको आत्महत्याका कारण निधन भएको पुष्टि गरेको छ तर आत्महत्याको कारणबारे अनुसन्धान जारी रहेको बताएको छ ।
समाचार एजेन्सी एनएनआईका अनुसार, उक्त घरबाट सुसाइड नोट बरामद गरेको छ । उनका साथी तथा एक्टर करनवीर बोहराले पनि सामाजिक सञ्जालमा यो घटनाको जानकारी दिएका छन् ।
करनवीरले कुशल पंजाबीको तस्बिर ट्वीट गर्र्दै उनको मृत्युमा दुःख व्यक्त गरेका छन् । कुशल पंजाबीले ३० वटा भन्दा धेरै टेलिश्रंखलामा अभिनय गरेका छन छन् ।
