चितवनको रामपुरमा गौतमबुद्ध अन्तर्राष्ट्रिय क्रिकेट रंगशाला निर्माणमा जुटेका सिताराम कट्टेल ‘धुर्मुस’ र कुञ्जना घिमिरे ‘सुन्तली’ ले निर्माण गरेको कमेडी फिल्म ‘सेन्टी भाइरस’ को पहिलो गीत सार्वजनिक भएको छ ।
‘फनफनी’ बोलको गीत आज (बिहीबार) काठमाडौंमा एक कार्यक्रमका बीच सार्वजनिक गरिएको हो । मेलिना राई र कालीप्रसाद बाँस्कोटाको स्वर रहेको गीतमा शंकर थापा स्माइलले संगीत भरेका छन् भने गीतको शब्द डिपी खनालले लेखेका हुन् ।
शंकर विसीको कोरियोग्राफी र शैलेन्द्र डी कार्कीको छायांकन रहेको गीतको भिडियोमा फिल्मका कलाकारहरु सिताराम र कुञ्जनासँगै दयाहाङ राई, विल्सन विक्रम राई, बुद्धि तामाङ, कमलमणी नेपाल, राजाराम पौडेललगायत ठुम्का लगाउँदै देखिएका छन् । त्यस्तै, गीतमा मोडल अञ्जली अधिकारीले आकर्षक नृत्य प्रस्तुत गरेकी छन् ।
