प्रभात दिदीबहिनी बचत तथा ऋण सहकारी संस्था लिमिटेडको २६ औं स्थापना दिवसको अवसरमा बाइपास रोडमा सरसफाइ गरेको छ ।
सो अवसरमा भरतपुरको मालपोत चोकदेखि गैँडाचोकसम्म सरसफाइ गरिएको हो । निकै लामो समयदेखि फोहोर रहेको र अस्पतालको नजिक रहेका कारण फोहोरको संक्रमण फैलनसक्ने भन्दै सहकारीको स्थापनाको अवसर पारेर सरसफाइ गरिएको नेफ्स्कुन उपाध्यक्ष शान्ति अधिकारीले बताइन् ।
सरसफाइ कार्यक्रममा अध्यक्ष बिमला न्यौपाने ज्ञवालीले महानगरको मुटु बाइपास रोडमा थुप्रिएको फोहोरले नगरवासी सबैलाई गिजाइरहेको महसुस गरेर सरसफाइ गरिएको बताइन् । सरसफाइ कार्यक्रममा जिल्ला प्रहरी कार्यालय, सैनिक नमुना टोल विकास संस्थाले सहयोग गरेको थियो । सो अवसरमा मालपोत चोकदेखि नहर चोकसम्मको बाइपास रोडको छेउमा रहेको फोहोर संकलन गरिएको थियो ।
