भरतपुर महनगरपालिका–२ क्षेत्रपुरमा आज बिहान पैदलयात्रीलाई अटोले ठक्कर दिँदा एक जनाको मृत्यु भएको छ ।
ना २ ह ६०१ नम्बरको अटोले पैदलयात्री भरतपुरको क्षेत्रपुर बस्ने ८३ वर्षीय कर्णबहादुर गुरुङलाई ठक्कर दिएको हो । ठक्करबाट घाइते गुरुङको चितवन मेडिकल कलेजमा उपचारको क्रममा आज दिउँसो मृत्यु भएको जिल्ला प्रहरी कार्यालय चितवनले जानकारी दिएको छ । अटोचालक प्रहरीको नियन्त्रणमा रहेको प्रहरीले जनाएको छ ।
