Breaking News

नेकपा एमाले सरकारमा जाँदैन, प्रतिपक्षमा बस्छ: उपाध्यक्ष पौडेल

Banner

काठमाडौं, मंसिर २०-

निर्वाचनको नतिजा छ्यासमिस आएसँगै नयाँ सरकार गठनबारे विभिन्न कोणबाट विश्लेषण भइरहेका छन् । एउटै राजनीतिक पार्टीको स्पष्ट बहुमत नआएपछि हालकै सत्ता गठबन्धनले नयाँ सरकार बनाउने बताइरहेका छन् भने कतिपयले कांग्रेस एमाले मिलेर पनि सरकार बनाउन सक्ने सम्भावनालाई औँल्याइरहेका छन् ।

उनीहरुले तेस्रो विकल्पका रुपमा नेकपा एमालेले वाम पार्टीलाई साथ लिएर सरकार गठनका लागि पहल गरिरहेको समेत बताएका छन् । तर, नेकपा एमालेले अरूलाई समर्थन गरेर सरकार बनाउने, एमालेकै नेतृत्वमा सरकार बनाउने भनेर बाहिर आएका चर्चाप्रति कुनै सत्यता नरहेको नेकपा एमालेका एक शीर्ष नेताले दावी गरेका छन् ।

एमालेका उपाध्यक्ष समेत रहेका नेता विष्णु पौडेल अहिले जनताले दिएको जनादेश एमाले सरकारमा जान नभएर प्रतिपक्षमा बस्न भएको बताउँछन् । ‘अहिले नेकपा एमाले सरकारमा जाँदैन, यसमा प्रस्ट भए हुन्छ कि एमाले प्रतिपक्षमा बस्छ’, उपाध्यक्ष पौडेलले भने, ‘एमालेलाई प्रतिपक्षमा बस्न भनेर जनमत आएको हो ।’

उनले एमाले सरकारमा जाने र सरकार बनाउन पहल समेत गरिरहेको भनेर गरिएका प्रचारबाजीमा सत्यता नरहेको स्पष्ट पारे । ‘हामीले त्यस्तो पहल पनि गरेका छनौँ र अहिले गर्दैनौ पनि । हामी अहिले बन्ने कुनैपनि सरकारमा जाँदैनौ, प्रतिपक्षमै बस्छौ’, उपाध्यक्ष पौडेलले भने, ‘प्रतिपक्षको भुमिका भनेको गुण दोषका आधारमा समर्थन र विरोध गर्ने नीति हो ।’

उनले कसैलाई समर्थन समेत नगर्ने स्पष्ट पारे ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>