चितवन विशेष

‘जहाँ औषधी त्यहाँ फर्मासिस्ट’ नारा कार्यान्वयन गर्न फर्मासिस्टको आग्रह

Banner

चितवन, असोज १०–
नेपाल फार्मेसी संघ चितवनका महासचिव ओमकार सापकोटाले ‘जहाँ औषधी त्यहाँ फर्मासिस्ट’ भन्ने नारा चाँडै कार्यान्वयन हुने विश्वास व्यक्त गरेका छन् । विश्व फर्मासिस्ट दिवसको अवसरमा आयोजित प्रभातफेरि कार्यक्रमको समापन गर्दै सापकोटाले स्थानीय तहमा फर्मासिस्टको दरबन्दी पनि चाँडै कायम हुने दाबी गरे । ‘विश्व स्वास्थ्यका लागि फार्मेसी एकता’ भन्ने नाराका साथ संघले विश्व फर्मासिस्ट दिवस मनाएको हो ।

दिवसको अवसरमा गैरराजनीतिक पेशागत संस्था नेपाल फार्मेसी संघले सप्ताहव्यापी कार्यक्रम अत्यन्तै सभ्य र भव्य रुपमा सम्पन्न गरेको उनले बताए । दिवसको अवसरमा असोज १ गतेदेखि जिल्लाभरिका जनप्रतिनिधी र स्वास्थ्यकर्मी बीच अन्र्तक्रिया, रक्तदान, विद्यार्थी तालिम, स्वागत एवंम सम्मान, पुण्यदान, प्रभात फेरि कार्यक्रम गरिएको उनले बताए ।

‘जहाँ औषधी त्यहाँ फर्मासिस्ट’ भन्ने नारा स्थलगत कार्यान्वयन भएमा नेपालले स्वास्थ्य क्षेत्रमा ठूलो फड्को मार्ने फर्मासिस्टहरुले बताएका छन् । देशका हरेक स्थानीय तहमा फार्मासिस्टको दरबन्दी कायम गनुपर्ने उनीहरुको माग छ ।

औषधी ऐन, २०३५ का अनुसार औषधीको उत्पादन, विक्री–वितरण, सञ्चय, भण्डारण, निकासी पैठारी हुने ठाउँमा फार्मासिस्ट अनिवार्य हुनुपर्ने व्यवस्था भएकाले त्यसको कार्यान्वयन गर्न नेपाल फार्मेसी संघ चितवन शाखाले आग्रह गरेको छ ।

 

 

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>