चितवन विशेष

२ करोडको लगानीमा भरतपुरको बुद्धचोकमा खुल्यो शुभारम्भ मार्ट, एकबर्ष भित्र पाँच शाखा खोल्ने तयारी

Banner

कृष्ण आचार्य,

चितवन,असोज ३-

चितवनको भरतपुरमा शुभारम्भ मार्ट संचालनमा आएको छ । भरतपुर महानगरपालिका–७ बुद्धचोकमा आज (सोमबार) मार्टको एक कार्यक्रमका विच वडाध्यक्ष राजेन्द्रमणि काफ्लेले उद्घाटन गर्नुभयो ।

मार्ट उद्घाटन गर्दै वडाध्यक्ष काफ्लेले वडामा विकास निर्माणसंगै व्यवस्थित मार्टको पनि आवश्यकता रहेको भन्दै त्यसको परिपूर्ति शुभारम्भ मार्टले गर्ने बताउनुभयो । युवाहरुले गरेको काममा सबैको सहयोग, सद्भाव र उत्प्रेरणा आवश्यक रहेको भन्दै वडाको तर्फबाट पनि आवश्यक सहयोग गर्ने उहाँले प्रतिबद्धता जनाउनुभयो ।
विभिन्न पेसामा आबद्ध २५ जना युवाहरु मिलेर २ करोडको लगानीमा मार्ट संचालन गरेका हुन् । २०७८ साल चैत्र ५ गते चिया गफबाट सुरु गरिएको मार्टको परिकल्पना अनुसार देशका विभिन्न जिल्लामा शाखा विस्तार गर्ने लक्ष्य राखिएको छ ।

छरिएर रहेको लगानी एकीकृत गर्दै उद्यमशिलताको विकास गर्ने उदेश्यले मार्ट स्थापना गरिएको आरम्भ मल्टिप्रपोज बिजनेश हब प्रालिका अध्यक्ष गोकुल पण्डितले बताउनुभयो । स्थानिय स्तरमा सेवा प्रदान गर्ने उदेश्यका साथ मार्ट संचालनमा ल्याएको भन्दै उहाँले सेवा गर्ने अवसर दिन आग्रह गर्नुभयो ।

मार्टमा दैनिक उपभोग्य सबै सामान उपलब्ध हुने भन्दै स्वदेशी उत्पादनलाई प्राथमिकता दिइने संचालक इन्जिनियर रोचक अधिकारीले बताउनुभयो । उहाँले मार्टमा पार्किङको व्यवस्था रहेको भन्दै बाल उद्यन निर्माणको चरणमा रहेको जानकारी दिनुभयो । यस्तै फाष्ट फुड र रुफटफ रेष्टुरेन्टको अवधारणाका साथ मार्ट संचालनमा आएको उहाँको भनाई छ । ग्राहकको स्वास्थ्यलाई पहिलो प्राथमिकतामा राखेर सेवा प्रदान गरिने अधिकारीले बताउनुभयो ।

मार्टमा १० देखि १५ जनाले रोजगार पाएका छन् भने शाखा विस्तारका कामहरु सुरु भएका छन् । यो बर्ष मात्र पाँचवटा आउटलेट खोल्ने तयारी गरिएको छ । देशमा औधोगिक विकासका लागि लघु उद्योगको समेत परिकल्पना गरेर आरम्भ मल्टिप्रपोज बिजनेश हब स्थापना गरिएको छ ।

कार्यक्रममा चितवन उद्योग संघका बरिष्ठ उपाध्यक्ष सूर्यप्रसाद न्यौपानेले सुभारम्भ मार्टमा नयाँ प्रयोग भएको भन्दै यसले यहाँको समुदायलाई सेवा प्रदान गर्ने बताउनुभयो । उहाँले सामूहिक रुपमा गरिएको काम दिगो बनाउन सके त्यसले राम्रो प्रतिफल दिने उल्लेख गर्नुभयो ।

सो अवसरमा युवा उद्यमी मन्च चितवनका अध्यक्ष सूर्यभक्त अधिकारीले युवाहरुले संचालन गरेको मार्ट नमुना भएको भन्दै यसले अन्य युवाहरुलाई व्यवसायीक क्षेत्रमा लाग्न प्रेरणा दिने बताउनुभयो । युवाहरुले सामूहिक रुपमा काम गरे मात्रै देश र समाजको रुपान्तरण सम्भव रहेको उहाँको भनाई छ । शुभारम्भ मार्टको शुभारम्भ कार्यक्रमको स्वागत मन्तव्य संचालक सदस्य सूर्यकान्त न्यौपानेले गर्नुभएको थियो । सो अवसरमा विभिन्न राजनीतिक दलका प्रतिनिधि,टोलविकास संस्थाका प्रतिनिधि र स्थानीयको सहभागिता रहेको थियो ।

तपाइको प्रतिक्रिया दिनुहोस्

Leave a Reply

Your email address will not be published.

>