चितवन विशेष

विपद्मा हुने क्षति न्यूनीकरण गर्न र उद्दारमा खटिन कार्यकर्तालाई माओवादी केन्द्र चितवनको निर्देशन

Banner

चितवन, असार १५–

नेकपा (माओवादी केन्द्र) चितवनले लगातारको वर्षा भइरहेकाले प्राकृतिक विपद्ले पार्न सक्ने धनजनको क्षति न्यून गर्न पूर्व सतर्कतासहित उद्दारको काममा खट्न नेता तथा कार्यकर्ताहरुलाई निर्देशन दिएको छ ।

माओवादी केन्द्र जिल्ला समन्वय समिति कार्यालयको मंगलबार बसेको विस्तारित बैठकले पार्टी पंक्तीलाई पूर्व सतर्कतासहित उद्दारको काममा खट्न निर्देशन दिएको हो । जिल्ला संयोजक रामचन्द्र अधिकारीले जारी गरेको विज्ञप्तीमा उल्लेख छ–‘वर्षाद्को सुरुवात भइसकेको हुँदा चितवनका नारायणी, राप्ती, खगेरी, कयरखोला, माडीका विभिन्न खोला र पहाडी क्षेत्रमा बाढी पहिरो तथा प्राकृतिक विपद्ले पार्न सक्ने धनजनको क्षति न्यून गर्न पूर्व सतर्कतासहित उद्दारको काममा जनसेवाको भावसहित सम्पूर्ण पार्टी पंक्ती लाग्न निर्देशन गरिएको छ ।’

संयोजक अधिकारीले चितवनमा हिजोदेखि निरन्तर वर्षा हुन थालेको भन्दै सबै चितवनबासीलाई सतर्कता अपनाउन समेत आग्रह गरेका छन् । चितवनमा बाढीबाट पश्चिम चितवन र माडी क्षेत्र बढी जोखिम छ भने पूर्वी चितवनका पनि धेरै ठाउँ जोखिममा छन् । जिल्लाका पहाडी भेगमा पहिरोको जोखिम छ । गतवर्ष पनि पहिरो र बाढीबाट केहीले ज्यान गुमाएका थिए ।

तपाइको प्रतिक्रिया दिनुहोस्

Leave a Reply

Your email address will not be published.

>