राजनीति

हामीले तमासा गर्दा स्वतन्त्रहरुले निर्वाचन जितेः आरजु राणा

Banner

पर्वत,असार ७-

नेपाली काँग्रेसकी केन्द्रीय सदस्य डा.आरजु राणा देउवाले पार्टीभित्र तमासा हुँदा स्वतन्त्रहरु अगाडि आएको बताइन् । ‘हाम्रो तमासले गर्दा स्वतन्त्र अगाडि आए । आफू–आफू झगडा गरेपछि अरुले फाइदा लिन्छ,’ उनी भन्छिन्, ‘हामी मिल्नुपर्छ । भोलि चुनावमा जित्ने कुरा गरिरहेका छौं । त्यसका लागि घर बलियो बनाउनुपर्छ ।’

यस्तै उनले राजनीति सबैसँग गर्नुपर्ने भन्दै मन पर्नेसँग त माया मात्र गरिने बताइन् । प्रधानमन्त्री तथा काँग्रेस सभापति शेरबहादुर देउवाकी पत्नी समेत रहेकी उनले भनिन्, ‘शेरबहादुर देउवाजीसँग बिहे गरेपछि मैले कोठाको झिँगा जस्तै ठान्थेँ । ठूलो ठूलो घटनाक्रम हेर्थेँ । तर त्यसमा कमेन्ट गर्ने मेरो हैसियत थिएन । मैले गर्ने कुरा पनि भएन ।’

तर मैले २०–३० वर्ष कोठाको झिँगा भएर बस्दा काँग्रेस भए मात्र देश नरहने कुरा बुझेको उनको भनाइ थियो । साथै उनले एकै चोटी काम हुने कल्चर नेपालमा नरहेको बताइन् । ‘एकै चोटी सरकारी काम हुँदै हुँदैन । यो नेपालको कल्चर हो । यसमा म कसैलाई दोष दिन चाहन्नँ ।’ सरकारी कार्यालयमा दिएका ७० प्रतिशत निवेदन हराउने गरेको उनको अनुभव छ । उनले भनिन्, ‘सरकारी कार्यालयमा दर्ता भएका ७० प्रतिशत निवेदन त हराउँछ । मैले दिएका कति निवेदन हराए हराए । सोध्दा आरजु म्याडम निवेदन हरायो भन्नु हुन्छ ।’

तपाइको प्रतिक्रिया दिनुहोस्

Leave a Reply

Your email address will not be published.

>