Breaking News

भरतपुर महानगरमा रेनु दाहाल झन्डै दुई हजार मतले अगाडि, अन्तरघातको मारमा परे सुवेदी

Banner

चितवन, जेठ ४-

भरतपुर महानगरपालिकामा जारी मत गणनामा सत्ता गठबन्धनको तर्फबाट उम्मेदवार बनेकी रेनु दाहालले झण्डै दुई हजार मतले अग्रता लिएकी छन् ।

महानगरको वडा नम्बर ६ को मतगणना सकिँएसँगै उनले एमालेका सुवेदीसँग मतको अग्रता बढाउँदै लगेकी हुन् ।

कांग्रेसको गढ मानिएको गीतानगर क्षेत्रमा पर्ने वडा नम्बर ६ गणना गर्नुअघि दाहाल ३७३ मतले मात्र अगाडि थिइन् तर ६ नम्बर वडाको गणना सकिँदो उनको मतान्तर एक हजार ८८३ पुगेको छ ।

भरतपुर महानगरपालिका वडा नम्बर ७ को गणना चलिरहँदा माओवादी केन्द्रकी रेनु दाहालले १० हजार ६३७ मत ल्याएकी छन् भने एमालेका विजय सुवेदीले आठ हजार ७५४ मत ल्याएका छन् । त्यस्तै स्वतन्त्रका जगन्नाथ पौडेलले चार हजार ७९० मत ल्याएका छन् । वडा नम्बर ६ मा दाहालले सुवेदीले भन्दा १३३९ भोट बढी ल्याइन् । एमालेले वडा नम्बर १०, ११ र १२ लाई आफ्नो सबैभन्दा बढी प्रभाव रहेको वडाहरु मान्ने गरेको छ । तर, पार्टी भित्रको अन्र्तघात चलिरहेमा सुवेदीले रेनुलाई जित्न अब कठिन हुने देखिएको छ । स्वतन्त्र उम्मेदवार जगन्नाथ पौडेलले वडा नम्बर ४ मा जस्तै राम्रो भोट वडा नम्बर ६ मा ल्याउन सकेनन् ।

त्यसैगरी उपमेयरमा गठबन्धनको तर्फबाट कांग्रेसका चित्रसेन अधिकारीले १२ हजार ७१७ मत र राप्रपाकी हिमला गुरुङले सात हजार ११३ मत ल्याएका छन् । उपमेयरमा पाँच हजार ६०४ मतान्तर देखिएको छ । वडाअध्यक्षतर्फ वडा नम्बर ७ मा एमालेले ६०२ मत ल्याउँदा एकीकृत समाजवादीले ६८४ मत ल्याएको छ ।

लगातार अन्र्तघातको मारमा सुवेदी

भरतपुर महानगरपालिकामा चलिरहेको मतगणनालाई अध्ययन गर्दा स्वतन्त्र उम्मेदवार जगन्ननाथ पौडेलको उम्मेदवारीबाट एमालेले फाइदा लिने आकलन गरिएको थियो तर त्यस्तो भएको पाइएन । कांग्रेसका नेता तथा कार्यकर्ताले सुरुमा जे जस्तो असन्तुष्टि रहे पनि मतगणनालाई हेर्दा भने सबैले मेयरमा दाहाललाई नै मतदान गरेको देखिन्छ । दाहालले कांग्रेसको मात्र होइन एमाले कार्यकर्ताको समेत भोट प्राप्त गरेको देखिन्छ । एमालेले आफ्नै मत जोगाउन नसकेको प्रारम्भिक मतपरिणामबाट स्पष्ट हुन्छ । वडा अध्यक्षमा एमालेका उम्मेदवारले पाएको जति मत पनि मेयरका सुवेदीले प्राप्त गर्न नसक्नुलाई अन्र्तघातको रुपमा नै लिन सकिन्छ । मतगणनामा एक भोट हँसिया–हतौडामा हालेर बाँकी भोट सूर्यमा हालेको मतपत्र धेरै भेटिनु अन्तर्घातकै उदाहरण हो ।

एमालेको राम्रै पकड रहेको मानिएको वडा नम्बर ५ बाट रेनुले आफ्नो अग्रता बढाउन क्रम सुरु गरिन् । वडा अध्यक्षमा एमालेले १ हजार ९५१ मत पाएको वडा नम्बर ५ मा मेयरमा एमालेले १ हजार ४०९ मत मात्रै ल्याए । अन्य गणना भएका वडाहरुमा पनि त्यस्तै अवस्था रहेको देखिन्छ ।

तपाइको प्रतिक्रिया दिनुहोस्

Leave a Reply

Your email address will not be published.

>