जोडिनुहोस

Banner

काठमाडौँ, माघ ८–

इन्डियन प्रिमियर लिग (आईपीएल) को मेगा अक्सनका लागि नेपालबाट १५ खेलाडीले नाम दर्ता गराएका छन् ।

आईपीएल २०२२ को प्लेअर अक्सनका लागि कुल १२१४ खेलाडीले नाम दर्ता गराएकोमा नेपालबाट मात्रै १५ खेलाडी रहेको बीसीसीआईले जनाएको छ ।
खेलाडी दर्ताका लागि २० जनवरीसम्मको समयसिमा तोकिएको थियो । जसमा भारतीय ८९६ र विदेशी ३१८ खेलाडीले नाम दर्ता गराएका हुन् ।
आगामी फेब्रुअरी १२ र १३ मा बेंगलुरुमा हुने मेगा अक्सनबाट १० टिमले खेलाडीहरू छनोट गर्नेछन् ।

नेपालबाट नाम दर्ता गराउनेमा राष्ट्रिय टोलीका कप्तान सन्दीप लामिछाने, आशिफ शेख, पवन सराफ, सुन्दिप जोरा, कुशल भुर्तेल, रोहित पौडेल, सुसन भारी आरिफ शेख रहेका छन् । यस्तै अभिनास बोहोरा, विनोद भण्डारी, शरद भेषवाकर, कुशल मल्ल, करण केसी, सोमपाल कामी र दीपेन्द्र सिंह ऐरी रहेको नेपाल क्रिकेट संघ (क्यान)ले जनाएको छ । नेपालबाट हालसम्म कप्तान सन्दीप लामिछाने मात्रै आइपीएल खेलेका छन् ।

पछिल्लो सिजन नेपालका सन्दीप लामिछाने मिनी अक्सनमा समावेश भए पनि कुनै टिमले अनुबन्ध गरेन । यसपटक टिमको संख्या बर्ढाइएकाले सन्दीपको सम्भावना बढेको छ ।

आईपीएलमा हरेक टिमले बढीमा २५ जनासम्म टिममा राख्न पाउनेछन् । अक्सनबाट बढीमा २१७ खेलाडी मात्र छनोट हुने बीसीसीआईले विज्ञप्तिमार्फत जनाएको छ ।

तपाइको प्रतिक्रिया दिनुहोस्

Leave a Reply

Your email address will not be published.