जोडिनुहोस

Banner

हेटौंडा, माघ ६–

बागमती प्रदेशका श्रम रोजगार तथा यातायात मन्त्री घनश्याम दाहालले यातायातसम्बन्धी सबै कामलाई प्रभावकारी, सुलभ र जनमैत्री बनाउन निर्देशन दिनुभएको छ ।

‘यातायात सम्बन्धी कामलाई प्रभावकारी, सुलभ र जनमैत्री बनाउनु पर्छ’ उहाँले भन्नुभयो, ‘जनताले दुःख पाए हामी आएको काम हुँदैन् ।’
बागमती प्रदेशका श्रम, रोजगार तथा यातायात मन्त्रालय अन्तर्गत रहेका कार्यालयहरूको अर्धवार्षिक समीक्षा कार्यक्रमको भर्चुअल माध्यमबाट निर्देशन दिदै मन्त्री दाहालले यातायात सेवामा बागमतीलाई मुलुककै नमुना बनाउने आफ्नो मुख्य कार्यभार रहेको उहाँले स्पष्ट पार्नुभयो ।

उहाँले जनताले अनुभूति गर्ने गरि काम गर्न कार्यालय प्रमुखहरुलाई निर्देशन दिनुभयो । ‘यातायात कार्यालयहरुमा बिचौलियाको बिगबिगी बढेको जनगुनासो छ’ उहाँले भन्नुभयो ‘ त्यसलाई समाधान गर्दै तपाईहरुले जनमैत्री र सुशासन कायम गरि सेवा दिनुहोस् ।’

मन्त्री दाहालले कारोना कहर बढेको भन्दै आम सेवाग्राहीहरुको सहजता र आफ्नै सुरक्षाका लागि पनि यातायातका सेवा अनलाइन माध्यमबाट सञ्चालन गर्न थप निर्देशन दिनुभएको थियो ।

‘म कुनै पनि गुनासो सुन्न चाहन्न’ उहाँले भन्नुभयो, ‘अब जनताले अनुभूति हुनेगरि काम अगाडी नबढाए कार्वाही गर्न समेत म पछि नहट्ने छैन् ।’

मन्त्री दाहालले कार्यालयहरुमा सेवाग्राहीको चाप कम गर्न बिलबुक नबिकरणलाई अनलाइन माध्यमबाट सञ्चालन गर्नुपर्ने भन्दै उक्त कार्यका लागि मन्त्रालयले आवश्यक समन्वय गर्न तयार रहेको भनाई राख्नुभयो ।

यसैगरि उहाँले सवारी चालक अनुमतिपत्र (लाइसेन्स), ब्लुबुकको नवीकरण, ‘रुट परमिट’ लगायतका कामलाई सेवाग्राहीको चाहनाअनुसार सहज बनाउन विशेष जोड दिनुभएको थियो ।

समीक्षा कार्यक्रममा आ.व २०७८/७९ को अर्धवार्षिक समयावधिमा कार्यालयहरुले सम्पादन गरेका कामहरुका साथै आम्दानी, खर्च विवरण र सेवाप्रवाहको यथार्थ विवरणसहित आफ्ना कार्यालयहरुमा काम गर्दा देखापरेका समस्याहरूका विषयमा मातहतका कार्यालय प्रमुखहरुले रिपोर्टिङ्ग गरेका थिए ।

तपाइको प्रतिक्रिया दिनुहोस्

Leave a Reply

Your email address will not be published.