जोडिनुहोस

Banner

चितवन, मंसिर १९–

चितवनको भरतपुर महानगरपालिका वडा न. १० रिजालचोकमा रहेको मेक्स मि ई–कमर्स इन्टरनेशनलले अवैध रुपमा बैंकिङ कारोबार गर्न थालेपछि चितवन प्रहरीले संचालकलाई पक्राउ गरको छ ।

नेपाल राष्ट्र बैंकबाट मान्यता (ईजाजत) प्राप्त रहेको भनी सर्वसाधारणलाई झुक्याउन सफल मेक्स मि ई–कमर्सले राम्रो व्याज दिने आर्थिक प्रलोभनमा पारेर निक्षेप संकलन र ऋण प्रवाह गर्दै आइरहेको थियो ।

ठगी गरेको भन्ने सुचना प्राप्त भएपछि चितवन प्रहरीले संस्थाका कार्यकारी निर्देशक पुष्पराज तिमिल्सेनालाई पक्राउ गरेको छ । प्रहरीका अनुसार तिमिल्सेना आफैले नेपाल राष्ट्र बैकको नक्कली ईजाजत पत्र तयार गरेको प्रारम्भिक अनसन्धानबाट खुल्न आएको छ । तिमिल्सेनाविरुद्ध ठगी सम्बन्धी अपराधको जाहेरी समेत परेपछि प्रहरीले अनुसन्धान अघि बढाएको थियो ।

दैलेख आठबिस नगरपालिका–७ घर भई हाल भरतपुर महानगरपालिका वडा न.७ बस्ने वर्ष २७ का तिमिल्सेनालाई मंसिर ६ गते नै पक्राउ गरेको थियो । उनलाई चितवन जिल्ला अदालतबाट म्याद अनुमती लिई अनुसन्धान कार्य भईरहेको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिए ।

पक्राउ परेका तिमिल्सेनालाई मुलुकी अपराध संहिता, २०७४ को परिच्छेद २१ को दफा २४९ बमोजिम सात वर्ष कैद र ७० हजार रुपैयाँ जरिवान सजाय हुन सक्छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *