जोडिनुहोस

Banner

चितवन,कात्तिक २८ –

सडक विभागले चितवनसहित देशभरका दर्जनभन्दा बढी स्थानमा फ्लाइओभर निर्माणको योजना बनाएको छ । काठमाडौंसहित चितवनका व्यस्त शहरी क्षेत्रमा ट्राफिक व्यवस्थापन जटिल बन्दै गएपछि फ्लाइओभरका योजना अघि सारिएको हो ।

चितवनमा आगामी वर्ष अध्ययन हुने बताइएको छ । साथै आगामी वर्ष उपत्यका बाहिरका व्यस्त अन्य शहर र राजमार्गहरुमा समेत फ्लाइओभर निर्माणका लागि अध्ययन गर्न ठाउँ पहिचान गर्ने योजना गुणस्तर अनुसन्धान विकास केन्द्रले बनाएको छ । चालु वर्ष उपत्यका बाहिरका फ्लाइओभर योजना सम्बन्धी अध्ययनका लागि करिब एक करोड रुपैयाँ बजेट समेत विनियोजन भएको छ ।

उपत्यकाभित्र चक्रपथको चार स्थानमा फ्लाइओभर निर्माण गर्ने योजना गुणस्तर अनुसन्धान विकास केन्द्रले बनाएको छ । चारवटै फ्लाइओभर चिनियाँ आर्थिक र प्राविधिक सहयोगमा निर्माण भएको चक्रपथको पहिलो खण्ड (कोटेश्वर–कलंकी १० किलोमिटर)मा निर्माण गर्न लागिएको हो।

ग्वार्को चोक, सातदोबाटो र एकान्तकुना गरी तीन स्थानमा फ्लाइओभर निर्माणका लागि बेसलाइन सर्भे भइसकेको छ । ग्वार्को चोकमा निर्माण हुने फ्लाइओभरको ठेक्का आह्वान नै भइसकेको छ । जसमा ९ वटा कम्पनीले आवेदन दिएका छन् । ’अहिले मूल्याङकन चलिरहेको छ,’ गुणस्तर अनुसन्धान विकास केन्द्रका सिनियर डिभिजनल इन्जिनियर सौरभ बज्राचार्यले बताए ।

उनका अनुसार ४५५ मिटर लम्बाइको हुनेछ । चक्रपथको मुख्य दुई लेनमा फ्लाइओभर निर्माण गर्न लागिएको हो । बालकुमारीतिरबाट २८० मिटर उक्लदै फ्लाइओभर निर्माण हुनेछ। जुन बीचमा सडकमाथि निर्माण हुने ३५ मिटरको सिधा पुलमा जोडिनेछ । पुलसँग जोडिन १७५ मिटर सातदोबाटोतिर सडकमाथि विस्तारै उक्लदै संरचना निर्माण हुनेछ । फ्लाइओभरको ग्राउण्ड क्लयरेन्स ६ मिटर हुनेछ ।

नागढुंगा–नौबिसे सुरुङमार्ग आयोजनाले बलम्बुमा १२८ मिटरको फ्लाइओभर निर्माण गर्न लागेको छ । पृथ्वी राजमार्गबाट सुरुङमार्गको पोर्टलतिर जानका लागि फ्लाइओभर निर्माण गर्न लागिएको हो । राजमार्गको सेन्ट्रल दुई लेनबाट उठाएर निर्माण गर्न लागिएको छ । सुरुङमार्ग निर्माण गरिरहेको जापानी कम्पनी हाज्मा÷आन्दो कर्पोरेशन लिमिटेडले फ्लाइओभर निर्माण गर्नेछ ।

उक्त आकासेपुल ८ महिनामा तयार गरिसक्ने सक्ने योजना छ। त्यसका लागि अहिले जग्गा अधिग्रहणको काम चलिरहेको नागढुंगा–नौबिसे सुरुङमार्ग योजना प्रमुख नरेशमान शाक्यले बताए । ’फ्लाइओभरको सिमांकनमा पर्ने १२ रोपनी जग्गा र संरचनाहरु अधिग्रहणका लागि प्रक्रिया सुरु गर्न लागेका छौं,’ उनले भने।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *