होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
alt
  • होमपेज
  • स्कुल अफ हेल्थ साइन्सको कमजोरी छानबिन गर्न प्रदेशमा समिति गठन, भर्ना प्रक्रिया स्थगन

स्कुल अफ हेल्थ साइन्सको कमजोरी छानबिन गर्न प्रदेशमा समिति गठन, भर्ना प्रक्रिया स्थगन

– हिरालाल आचार्य ‘डायमण्ड’

चितवन, असोज १९
स्कुल अफ हेल्थ साइन्सको कमजोरीबारे छानबिन गर्न प्रदेशमा समिति गठन गरिएको छ ।

प्राविधिक शिक्षा तथा व्यावसायिक तालिम परिषद् (सिटिभिटी) को बागमती प्रदेश कार्यालयले छानबिन समिति गठन गरेको हो । सिटिभिटी बागमती प्रदेशका निर्देशक टैलेन्द्र आचार्यले हेल्थ साइन्स (कलेज) को गल्ति देखिएको बताउँदै त्यसबारे छानबिन गर्न समिति गठन गरिएको जानकारी दिए । परीक्षा नियन्त्रण कार्यालयको आग्रह बमोजिम छानबिन समिति गठन गरिएको उनले बताए ।

सिटिभिटी बागमतीका उपनिर्देशक श्रिधर नेपालको संयोजकत्वमा पाँच सदस्यीय छानबिन समिति गठन गरिएको हो । कलेजले जुन हिसाबले नतिजा निकाल्यो त्यसमा गल्ति देखिएको नेपालले बताए ।

प्रवेश परीक्षा आवेदन दिएका सबै विद्यार्थीको आइटिएमएस उल्लेख नगरी कलेजले नतिजा निकालेको पाइएको उनको भनाइ छ । २८५६ जनाले आवेदन दिएकामा कलेज प्रशासनले ६७ जना विद्यार्थीको आइटिएमएस उल्लेख नगरेको नेपालले बताए ।

पछि प्रदेशले कलेजको नतिजालाई रुजु गरेर सार्वजनिक गरिसकेपश्चात कलेजले फेरि यी विद्यार्थी छुटे भन्दै आएको नेपालले बताए । यसबारे वास्तविकताको छानबिन गरिने उनको भनाइ छ ।

कलेजकी प्रमुख रजनी मल्ले आफूहरुबाट गल्ति भएको स्वीकार गर्दै अनलाइन प्राणालीमा फारम भराइएकाले गल्ति हुन पुगेको बताइन् । उनले केही विद्यार्थीले सबै कोटामा पटकपटक फारम भरिदिँदा पनि समस्या सिर्जना भएको बताइन् ।

उनले २४ गतेसम्मको भर्नाको म्यादलाई थपिदिन प्रदेशसँग आग्रह गरेको बताउँदै म्याद थपिनेमा आफू विश्वस्त रहेको बताइन् । ९ गतेबाट सुरु गरिएको भर्ना अभियान २४ गतेसम्म रहेको छ ।

निजी कलेजहरुले धमाधम भर्ना लिइरहेका बेला सरकारी कलेजले अझै भर्ना खुलाउन नसक्दा विद्यार्थीहरुमा अन्यौलता सिर्जना भएको छ । जसले गर्दा विद्यार्थीहरु सरकारीको आश छाडेर निजीमा जान बाध्य भइरहेका छन् ।

विद्यार्थी संगठनको निरन्तर दबाब :

यथाशिघ्र भर्ना खुलाउन विद्यार्थी संगठनहरुले निरन्तर दबाब दिँदै आएका छन् । कलेजले विद्यार्थीको भविष्यमाथि खेलबाड गरेको भन्दै अखिल क्रान्तिकारीले सोमबार कलेज प्रमुख (प्रधानाध्यापक) को कार्यकक्षमा तालाबन्दी गरेको थियो । क्रान्तिकारीले भएका सबै त्रुटीहरु सच्याएर २३ गतेभित्रमै भर्ना खुलाउन सर्त गरेर आज मंगलबार बिहान ताला खोलेको छ ।

विगत तीन वर्षदेखि विद्यार्थीको प्रवेश परीक्षाको नतिजामा कमीकमजोरी दोहोरिँदै आएको स्मरण गर्दै क्रान्तिकारीले यस विषयमा निष्पक्ष छानबिन गर्न माग गरेको छ ।
यस्तै अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले एक विज्ञप्ति जारी गर्दै भर्ना प्रक्रिया छिटो खुलाउन आग्रह गरेको छ । अन्यथा सशक्त आन्दोलनमा उत्रिन बाध्य हुने अनेरास्ववियु जनाएको छ ।

यस्तै, प्राविधिक विद्यार्थी परिषद्ले पनि एक विज्ञप्ति जारी गर्दै विद्यार्थीको भविष्यमाथि खेलबाड नगर्न चेतावनी दिएको छ । परिषद्ले छिटोभन्दा छिटो भर्ना प्रक्रिया खुलाउन माग गरेको छ ।

यससम्बन्धी थप समाचारहरु :

स्कुल अफ हेल्थ साइन्स भरतपुरमा अझै खुलाइएन भर्ना, आन्दोलनमा उत्रने विद्यार्थी संगठनहरुको चेतावनी

 

निजी कलेजमा विद्यार्थी पठाउन चितवनको स्कुल अफ हेल्थ साइन्सको सेटिङ्ग, अझै खुलाएन भर्ना

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका