होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
alt
  • होमपेज
  • त्रिशुलीमा खसेको कार अझै भेटिएन, तीन जना बेपत्ता, खोजी कार्य जारी

त्रिशुलीमा खसेको कार अझै भेटिएन, तीन जना बेपत्ता, खोजी कार्य जारी

चितवन, असोज ८–

बिहीबार राति त्रिशुली नदीमा खसेको कार अझै भेटिएको छैन । काठमाडौँबाट पोखरातर्फ जाँदै गरेको ग २ च ४९१८ नम्बरको कार चितवनको इच्छाकामना गाउँपालिका–५ नाग्दीखोला स्थित पृथ्वीराजमार्गबाट ३५ मिटर तल त्रिशुली नदी खसेको थियो ।

कार नदीमा खसेको जानकारी पाएलगत्तै प्रहरी टोली पुगेको थियो । तर शुक्रबार दिउँसोसम्म पनि उक्त कार फेला परेको छैन । खोजी कार्य जारी भए पनि कार हालसम्म फेला नपरेको घटनास्थलमा रहेको जिल्ला ट्राफिक प्रहरी कार्यालय चितवनका प्रमुख भगवान थापाले नारायणी अनलाईनलाई जानकारी दिए ।

‘डुंगा र गोताखोरको सहायतामा खोजी भइरहेको छ, अझैसम्म केही पनि फेला परेको छैन’–थापाले टेलिफोनमा भने । दुर्घटनामा पोखरा महानगरपालिका–१७ बस्ने ४६ वर्षीय रुद्रलाल सुवेदी घाइते भएका छन् । उनको आँखामा चोट लागेको र शल्यक्रिया गर्नुपर्ने पुरानो मेडिकल कलेज भरतपुरले जनाएको छ ।

कारमा सवार तीन जना पनि बेपत्ता छन् । बेपत्ता हुनेमा कार चालक पोखरा–१७ का ६० वर्षीय प्रेम बहादुर भुजेल, सोही ठाउँका ५६ वर्षीय लेख बहादुर भुजेल र उनकी श्रीमती ३६ वर्षीया ईश्वरी भुजेल रहेका छन् ।

त्रिशुली नदीमा खस्ने सवारी साधनहरु धेरैजसो भेटिने गरेका छैनन् । केही वर्ष पहिले पहिरोसंगै त्रिशुलीमा खसेको मुग्लिन प्रहरीको गाडी पनि अझै भेटिएको छैन ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका