होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
alt
  • होमपेज
  • भरतपुरमा एक महिने मास्क वितरण तथा सचेतना अभियान सम्पन्न, कारोना हरायो भन्दै मास्क नलगाउनेहरु भेटिए (फोटोफिचर)

भरतपुरमा एक महिने मास्क वितरण तथा सचेतना अभियान सम्पन्न, कारोना हरायो भन्दै मास्क नलगाउनेहरु भेटिए (फोटोफिचर)

चितवन, असोज १ –
भरतपुरमा लियो क्लव अफ भरतपुर युथले गरेको एक महिने मास्क वितरण अभियान सम्पन्न भएको छ ।

हिजो बिहीबार साँझ नारायणगढको सहिद चोकमा मास्क वितरण गर्दै क्लवले अभियानको समापन गरेको हो ।

निषेधाज्ञा खुलेसँगै मास्क नलगाइ हिँड्नेहरुको संख्या बढ्दै गएको देखेपछि मास्क वितरण अभियान सुरु गरिएको क्लवका अध्यक्ष गौरव उपाध्यायले जानकारी दिए । भदौ १ गतेदेखि ३१ गतेसम्म सञ्चालित मास्क वितरण तथा सचेतना अभियान १६ दिन गरिएको थियो ।

मास्क वितरणका लागि बिहानको ३ घण्टा छुट्टाइएको थियो । कुनैकुनै दिन बिहान पानी परेको र कुनै दिन क्लवले अन्य कार्यक्रम आयोजना गरेका कारण सँधै मास्क वितरण गर्न नसकिएको क्लवका सचिव गोविन्द पौडेलले बताए ।

मास्क वितरण अभियानका संयोजक एवम् क्लवका द्धित्तीय उपाध्याय कृष्ण रिमाल (ह्यारी) का अनुसार भरतपुरको बजार क्षेत्रका चोकचोकमा मास्क वितरण गरिएको थियो । मास्क वितरण अभियान लिएर क्लव पश्चिम चितवनको चनौली, गीतानगर लगायतका क्षेत्रमा पनि पुगेको थियो । मास्क वितरण अभियानमा कुनैकुनै दिन ट्राफिक प्रहरी तथा प्रहरीहरुले पनि हातेमालो गर्दै सहयोग गरेका थिए । मास्क वितरण गरेपश्चात उक्त स्थानमा क्वले विभिन्न सचेतनामूलक नाराहरु लेखिएका ब्यानर टाँगेर छाडेको थियो ।

ब्यानरमा मेरो मास्क मेरो पहिचान, घरबाट बाहिर जाँदा अनिवार्य मास्कको प्रयोग गरौं, दुरी कायम गर्दैमा आत्मीयता घट्दैन, मास्क लगाउँदैमा परिचय बदलिँदैन, चिउँडोमा मास्क लगाएर कोरोना छेक्दैनलगायतका नारा लेखिएका थिए ।

मास्क वितरण गर्दा मानिसहरुले कोरोना हराइसकेको भन्दै मास्क नलगाउने गरेको पाइएको क्लवका आइटी अफिसर अनिकेत भुषालले बताए ।

मास्क वितरण अभियानमा लियोका सम्पूर्ण सदस्यहरुसहित अन्य विभिन्न समाजिक व्यक्तित्व, संघसंस्था, व्यावसायिक पसलहरुले मास्क सहयोग गरेको क्लवका सह– कोषाध्यक्ष हिरालाल आचार्य ‘डायमण्ड’ ले जानकारी दिए । समानहरु घरमै पुर्‍याउने सेवा प्रदान गर्दै आएको घरदैले एक्सप्रेसले ब्यानर सौजन्य गरी ठूलो सहयोग गरेको डायमण्डको भनाइ छ ।

लियो क्लव अफ भरतपुर युथले चितवनमा हप्तैपिच्छे विभिन्न सामाजिक कार्य गर्दै आएको छ ।

 

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका