होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
alt
  • होमपेज
  • भारतीय प्रशिक्षक सिंह चितवन टाइगर्सको टोलीमा, द्रुत गतिमा प्रशिक्षण चल्दै

भारतीय प्रशिक्षक सिंह चितवन टाइगर्सको टोलीमा, द्रुत गतिमा प्रशिक्षण चल्दै

काठमाडौँ, भदौ ३०–

चौथो संस्करणको बजाज पल्सर एभरेष्ट प्रिमियर लिग (ईपीएल) का लागि चितवन टाइगर्सको तयारी जोडतोडका साथ चलिरहेको छ । दिल्लीका पूर्व क्रिकेटर पुरु सिंहसहितको कोचिङ टिमद्वारा सुरु गरिएको प्रशिक्षण द्रुत गतिमा छ । ४० वर्षे सिंह अनुभवी र सर्टिफाइट प्रशिक्षक हुन् । असोज ९ गतेदेखि त्रिवि अन्तर्राष्ट्रिय क्रिकेट मैदानमा हुने ईपीएलका लागि चितवनले उनलाई टोली व्यवस्थापक र सहयाक प्रशिक्षकको भुमिकामा नियुक्त गरेको थियो ।

सेप्टेम्बर १० मा काठमाडौं आइपुगेका सिंह प्रमुख प्रशिक्षक सामसन जंग थापाको प्रशिक्षण टोलीमा समावेश भएका थिए । सिंह र थापासहित टिम मेन्टर पुर्नेन्दु घोषले चितवन टाइगर्सको टोलीलाई डिएभी कलेज र ग्रेट हिमालयन क्रिकेट एकेडेमीमा प्रशिक्षण ओराल्दै नेट सेसन्स, मेन्टल कन्डिसनिङ, टिम सामन्जस्य, म्याच अभ्यास र सिनारियो प्रशिक्षण गराइरहेका छन् ।

क्रिकेटरलाई प्रेरित गर्नु नै सफलताको सुत्र मान्दै सिंह भन्छन्, ‘क्रिकेट पछाडिको विज्ञानले मलाई आफै विकसित गर्न र भावि पुस्तालाई त्यो ज्ञान प्रदान गर्न प्रेरित गर्दछ । मानसिक रुपमा हरेक युवा क्रिकेटरलाई उत्कृष्ट हुनका लागि मनोबल बढाउन आवश्यक छ ।’

सिंह र प्रशिक्षण टोली क्रिकेटरले गरिरहेको प्रशिक्षणबाट प्रभावित छन् । विशेष गरी अभ्यास म्याचको कमि नेपालको घरेलु क्रिकेटमा ठुलो चुनौतीको रुपमा रहेको छ । ‘हामीले केही विधिहरु बनाएका छौं, जसले खेलाडीलाई म्याच सिनारियोको अनुभुति दिलाउने छ । खेलाडीहरु पहिलो खेलका लागि विस्तारै मानसिक र शारीरिक रुपमा फिट हुनेछन्,’ सिंहले भने ।

दिल्लीका पूर्व रणजी खेलाडी सिंह आईसीसी लेभल टु प्रशिक्षक हुन् र उनले गौतम गम्भिर, वीरेन्द्र सहवाग, युवराज सिंह, आशिष नेहराजस्ता नामसँग मिलेर कार्य गरिसकेका छन् ।

‘युवा नेपाली खेलाडी र अनुभवी अन्तर्राष्ट्रिय खेलाडीको समिश्रणले टिम यसअघिको सिजनभन्दा अहिले राम्रो देखिएको छ, सिंहका साथ विदेशी नेतृत्वले हामीलाई रणनितिक दायरा फराकिलो बनाउन मद्धत गरको छ । यसपटक पनि राम्रो प्रदर्शन गर्नेमा हामी उत्साहित छौं,’ मुख्य प्रशिक्षक थापा भन्छन्।
ट्यालेन्ट हन्टबाट आएका खेलाडीसहित कुल १६ खेलाडी अहिले प्रशिक्षणमा व्यस्त छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका