होमपेज केही सेकेण्डमा लोड हुनेछ।

  • Advertisement area
  • Skip this

Advertisement area

जोडिनुहोस
  • होमपेज
  • चितवनमा कोरोनाबाट थप दुईसहित आजसम्म ४०४ जनाले ज्यान गुमाए, ५२ संक्रमित थपिए

चितवनमा कोरोनाबाट थप दुईसहित आजसम्म ४०४ जनाले ज्यान गुमाए, ५२ संक्रमित थपिए

चितवन, भदौं २२

चितवनमा कोरोना संक्रमणबाट आज एकैदिन तीन जनाको मृत्यु भएको छ ।

स्वास्थ्य कार्यालय चितवनका अनुसार विगत २४ घण्टामा भरतपुर अस्पतालमा एक जना र चितवन मेडिकल कलेजमा दुई जनाले कोरोना संक्रमणको कारणले ज्यान गुमाएका हुन् । मृतकहरु मध्ये गोरखाका एक जना र चितवनका दुई जना रहेका छन् । आज चितवनका दुईसहित कोरोना संक्रमणबाट ४०४ जनाले ज्यान गुमाएका छन् ।

चितवनका विभिन्न अस्पतालमा ६८ जना कोरोना संक्रमित बिरामीहरुले उपचार गराइरहेका छन् । जसमध्ये आईसीयूमा २९ जना, भेन्टिलेटरमा सात जना, एचडीयूमा १७ जना र जेनरल बेडमा २२ जना रहेका छन् । त्यस्तै विगत २४ घण्टामा चितवनका विभिन्न अस्पतालबाट २२ जना कोरोना संक्रमित बिरामीहरु डिस्चार्ज भएका छन् ।
त्यस्तै चितवनमा विगत २४ घण्टामा ५२ जना कोरोना संक्रमित थपिएका छन् । जसमध्ये भरतपुर महानगरपालिकामा ३९ जना, खैरहनीमा चार जना, रत्ननगरमा दुई जना, राप्तीमा एक जना र कालिकामा चार जना संक्रमित थपिएका हुन् । योसँगै चितवनमा सक्रिय संक्रमितको संख्या ९३२ जना रहेका छन् । जसमध्ये घरमा आइसोलेसनमा ८७८ जना र अस्पतालको आइसोलेसनमा ५४ जना रहेका छन् ।

 

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका