जोडिनुहोस
  • होमपेज
  • चितवनमा मोटरसाइकल दुर्घटनाः आमाको मृत्यु, छोरा घाइते

चितवनमा मोटरसाइकल दुर्घटनाः आमाको मृत्यु, छोरा घाइते
फोटोः फाइल

चितवन, जेठ २६–

चितवनको कालिका नगरपालिका–९ सुनखानीस्थित भित्री सडक खण्डमा मोटरसाइकल दुर्घटना हुँदा एक जनाको घटनास्थलमै मृत्यु भएको छ भने एक जना घाइते भएका छन् ।

मंगलबार राति करिव १०ः१० बजेको समयमा उपरदाङ्ग गढीबाट शक्तिखोर तर्फ आंउदै गरेको ना.३६प.२१९९ नम्बरको मोटरसाइकल आंफै अनियन्त्रित भई सडकबाट अन्दाजी ५० मिटर तल खसेको थियो । दुर्घटनामा मोटरसाइकल पछाडी सवार ईच्छाकामना गाउँपालिका–२ बस्ने अन्दाजी ६२ वर्षकी हस्तमाया मगरको घटनास्थलमा नै मृत्यु भएको जिल्ला प्रहरी कार्यालय चितवनले जानकारी दिएको छ ।

दुर्घटनामा मोटरसाइकल चालक रत्ननगर नगरपालिका–११ बस्ने अन्दाजी ३६ वर्षका फत्ते बहादुर मगर घाइते भएका छन् । उनको दुबै खुट्टा, हात तथा ढांडमा चोट लागेको छ । उनको मध्यम अवस्थामा चितवन मेडिकल कलेज भरतपुरमा उपचार भइरहेको छ । दुर्घटनामा परेकाहरु आमा छोरा रहेको प्रहरीले जनाएको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका