जोडिनुहोस
  • होमपेज
  • ‘नेपालमा अक्सिजन पठाऔं, आफन्तको ज्यान बचाऔं’ अभियानको थप ४२८ अक्सिजन कन्सनट्रेटर नेपाल आइपुग्यो

‘नेपालमा अक्सिजन पठाऔं, आफन्तको ज्यान बचाऔं’  अभियानको थप ४२८ अक्सिजन कन्सनट्रेटर नेपाल आइपुग्यो

चितवन, जेठ २३-

गैरआवासीय नेपाली संघ (एनआरएनए) ले सुरु गरेको ‘नेपालमा अक्सिजन पठाऔँ, आफन्तको ज्यान बचाऔँ’ अभियानअन्तर्गत विभिन्न राष्ट्रिय समन्वय परिषद्को समन्वयमा थप ४२८ वटा अक्सिजन कन्सनट्रेटर शनिबार साँझ नेपाल आइपुगेको छ ।

विश्वभर छरिएका विभिन्न संघ–संस्था र नेपाली समुदायको सहयोगमा सो सामग्री नेपाल आइपुगेको गैरआवासीय नेपाल संघले जनाएको हो ।
संघका अनुसार यूकेबाट १५०, अष्ट्रेलियाबाट १००, क्यानाडाबाट ७५, जर्मनीबाट ३०, दक्षिण कोरियाबाट २०, इटालीबाट १०, चीनबाट ७ वटा र अन्य संस्थाबाट ३६ वटा अक्सिजन कन्सनट्रेटरको खरिदका लागि आर्थिक सहायता प्राप्त भएको थियो । चीनस्थित नेपाली दुताबास र गैरआवासीय नेपाली संघका राष्ट्रिय समन्वय परिषद् चीनले खरिद प्रक्रियामा सहयोग गरेको थियो भने ढुवानी खर्च नेपाल सरकारले बेहोरेको थियो ।

यसैगरी, गैरआवासीय नेपाली संघ अफ्रिका क्षेत्रबाट इलामदेखि जुम्ला सम्मका विभिन्न १३ जिल्लाका २८ अस्पताल र स्वास्थ्य केन्द्रमा १४५ अक्सिजन सिलिन्डर खरिदसहित ११५० रिफिल अक्सिजन सिलिन्डर र स्वास्थ्य सामाग्री हस्तान्तरण गरि सकिएको छ भने दुर्गम क्षेत्रमा सिलिन्डर पठाउने अभियान जारी छ ।

विश्वभरीबाट प्राप्त बाँकी आर्थिक सहयोगबाट संघले सातै प्रदेशमा अक्सिजन प्लान्ट स्थापना गर्ने तयारी गरिएको समेत संघले प्रेषित गरेको प्रेस नोटमा उल्लेख छ । संघको अभियानमार्फत सहयोग गर्ने विदेशस्थित दूतावास, कूटनीतिक नियोग, संघका राष्ट्रिय समन्वय समिति सहयोगदाता, लगायत विभिन्न नेपाली संघसंस्था तथा आम गैरआवासीय नेपालीप्रति गैरआवासीय नेपाली संघले आभार पनि व्यक्त गरेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका