जोडिनुहोस
  • होमपेज
  • आहा ! चितवनको मनमोहक गुलमोहर (फोटोफिचर)

आहा ! चितवनको मनमोहक गुलमोहर (फोटोफिचर)

– हिरालाल आचार्य ‘डायमण्ड’

चितवन, जेठ २
वसन्त ऋतु सकिएर ग्रिष्म ऋतु भर्खरै सुरु भएको छ । चैत र वैशाखलाई वसन्त ऋतुको रुपमा लिइन्छ । वसन्त ऋतुमा प्रकृतिको बहार नै आउँछ ।

वसन्त ऋतुमा अधिकांश बोटबिरुवाहरूको पूरानो पात झर्दछ र नयाँ पात पलाउँछ । यो ऋतुमा जतात्यतै हरियाली हुन्छ । वसन्त ऋतुमा प्रकृति निकै सुन्दर देखिन्छ । यो ऋतुमा विभिन्न प्रकारका फूलहरु पनि फुल्दछन् । फूलका बोटमा फूल र अन्य बिरुवाहरुमा नयाँ पालुवाले गर्दा प्रकृति निकै सुन्दर र मनमोहक देखिन्छ । वसन्त ऋतुमा फूलेका अधिकांश फूलहरु ग्रिष्म ऋतुसम्म पनि रहन्छन् भने नयाँ पलाएका अधिकांश बोटबिरुवाका पातहरु शिसिर ऋतुसम्मै रहन्छन् ।

वसन्त ऋतुमा मनै लोभ्यउने गरी फूल्ने एउटा फूल हो गुलमोहर । यो समयमा गुलमोहर फूलेर ढकमक्क हुन्छ । ग्रिष्म ऋतुसम्मै यो फूललाई देख्न सकिन्छ ।

गुलमोहरको वानस्पतिक नाम (Delonix regia) हो । गुलमोहरलाई अङ्ग्रेजीमा (Flame tree/Royal Poinciana) भनिन्छ । कृषि अध्ययनका अनुसार गुलमोहरको बोट फूलहरुको बोटमा सबैभन्दा ठूलो मानिन्छ । यसमो बोट गर्मी तथा न्यानो मौसम हुने सबै ठाउँमा हुर्कन्छ । यसको फूलमा वास्ना भने हुँदैन ।

यसको रुख करिब १५ मिटरका उचाईसम्म हुन्छ भने ५/८ मिटर चौडाइसम्ममा फैलिएर फूल्ने गर्दछ । यो फूलको आयु १५ देखि २० वर्ष हुने गर्दछ । गाढा रातो, पहेंलो र रातो पहेंलोको मिश्रणमा फूल्ने यो फूल नेपालमा भने गाढा रातो रंगको पाइन्छ ।

यो फूल चितवनमा पनि फूल्ने गर्दछ । सडक, घर, पार्क तथा नारायणगढको नारायणी किनारमा यो फूल देख्न सकिन्छ । आज हामीले नारायणगढको नारायणी किनार र कालिबहादुर गण सैनिक ब्यारेक, भरतपुर र विपि कोइराला मेमोरियल क्यान्सर अस्पताल आसपासमा रहेका गुलमोहर फूलको तस्विरलाई यहाँ प्रस्तुत गरेका छौं ।

एक प्रतिक्रिया on “आहा ! चितवनको मनमोहक गुलमोहर (फोटोफिचर)

  1. खान योग्य छ छैन थाहा छैन तर मैले केटाकेटी बेलामा रुखमा चढेर घन्टौ खाईरहन्थे । ऐले पनि देखेपछी फूल नखाई रहन सक्दिन । हेर्दा मात्र हैन खान स्वादिलो लाग्छ मलाई यो फूल ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका