जोडिनुहोस
  • होमपेज
  • चितवनमा निषेधाज्ञाः बैँक तथा वित्तीय संस्था खुला, सेवाग्राही कम

चितवनमा निषेधाज्ञाः बैँक तथा वित्तीय संस्था खुला, सेवाग्राही कम

मनिका विश्वकर्मा

चितवन, वैशाख २०

चितवनमा निषेधाज्ञाका कारण बैँकहरु खुला भए पनि सेवाग्राहीको संख्या भने थोरै रहेको छ ।

चितवनमा १०० बढी बैँक तथा वित्तीय संस्था खुला रहे पनि निषेधाज्ञाको कारण सेवाग्राहीको संख्या कम रहेको बैँकका व्यवस्थापकहरु बताउँछन् ।

नारायणगढको बैँक अफ काठमाडौं लिमिटेडका प्रवक्ता वीरेन्द्र श्रेष्ठका अनुसार बैँकमा पछिल्लो निषेधाज्ञाको समय सेवाग्राहीको संख्या घट्दो छ । स्वास्थ्य मापदण्ड अपनाएर राष्ट्र बैँकले दिएको आदेश अनुसार नै बंैकले सेवा दिइरहेको बैँकका कर्मचारीहरु बताउँछन् । चितवनमा बैँक अफ काठमाडांैका चार शाखाहरु रहेका छन् ।

निषेधाज्ञा नभएको समयमा बैँकमा १६ सय बढी सेवाग्राहीहरु आउने गरेकोमा अहिले सय भन्दा धेरै नआउने उनले बताए । बैँकमा कर्मचारीहरुलाई पनि आलोपालो गरेर राखिएको उनले जानकारी दिएका छन् । बैँकमा निषेधाज्ञाले गर्दा २० जना कर्मचारी राखेर काम गर्ने सुचारु गरेको छ । बैँकमा हाल निषेधाज्ञाको समय अत्यावश्यक कामहरुको लागि मात्रै सेवाग्राही आउने उनले बताए । चितवनमा पहिलो निषेधाज्ञामा उक्त बंैकका एक कर्मचारीलाई कोरोना भाइरस संक्रमित भएका थिए भने अरु कर्मचारीको रिपोर्ट नेगेटिभ आएको थियो तर यसपटक भने कसैलाई पनि कोरोना नभएको उनले नारायणी अनलाइनलाई बताए ।

त्यसैगरी लुम्विनी विकास बैँक नारायणगढमा भने कर्मचारी थोरै खटिनुका साथै सेवाग्राही पनि कम रहेका छन् । बंैकमा तीन–चार जना मात्रै कर्मचारीहरुले काम गरिरहेका छन् । बैँकका कर्मचारी शिव अधिकारीका अनुसार पहिलेको तुलनामा धेरै कम सेवाग्राही आएका छन् । सेवाग्राहीलाई कोरोना लाग्ने डरले पनि बैँकमा कम आएको हुनसक्ने अधिकारीको अनुमान छ । बैँकमा निषेधाज्ञा भएको बेला दिनहुँ तीन जना जति सेवाग्राहीहरु आउने गरेको उनले जानकारी दिए । बैँकले राखेको एटीएमबाट रकम निकाल्न कम सेवाग्राही आएको उनले बताए ।

यस्तै राष्ट्रिय बचत तथा ऋण सहकारीमा सेवाग्राही कम नै देखिन्छन् । निषेधाज्ञाको कारण संस्थाले बिहान ११ बजेदेखि दिउँसो ३ बजेसम्म मात्रै सेवा दिइरहेको संस्थाकी प्रबन्धक इश्वरी भट्टराईले जानकारी दिइन् । संस्थाले हाल पुरानो सदस्य अर्थात् स्वीकृत भइसकेकाहरुलाई मात्रै ऋण दिने काम गरेको छ । निषेधाज्ञा नहुँदा संस्थामा ३०० भन्दा धेरै सेवाग्राहीहरु आउने गर्थे भने हाल ५०÷६० जना मात्रै आउने उनले जानकारी दिइन् । संस्थाले पनि स्वस्थ्य मापदण्डको पालना साथै अत्यावश्यक कामबाहेक अरु काममा नआउन सेवाग्राहीलाई आग्रह गरेको उनले बताइन् । सहकारीमा हालसम्म ३५ सय सदस्यहरु रहेका छन् । सेवाग्राही कम आएको कारण सहकारीले १५ जना कर्मचारीलाई घटाएर तीन जनाबाट सेवा दिएको उनले बताइन् ।

यसैगरी नारायणगढमा रहेको सनराइज बैँकले भने सेवाग्राहीलाई गेट बाहिर नै राखेर सेवा दिइरहेको छ । पहिलाको तुलनामा अहिले एक तिहाइको हाराहारीमा सेवाग्राहीको संख्या झरेको बैँकका प्रबन्धक युगेन्द्र पुनले जानकारी दिए । आज मात्रै बैँकमा ३० जना सेवाग्राही आएको उनले बताए । राष्ट्र बैँकको नियमलाई पालना गरी सेवा दिँदै आएको उनले जानकारी दिए । सेवाग्राही बैँकमा रकम जम्मा गर्ने भन्दा पनि रकम झिक्ने बढी रहेका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका