जोडिनुहोस
  • होमपेज
  • भरतपुर अस्पतालको कोभिड आइसियू भरियो, चितवन मेडिकल कलेजमा राख्न थालियो बिरामी

भरतपुर अस्पतालको कोभिड आइसियू भरियो, चितवन मेडिकल कलेजमा राख्न थालियो बिरामी

चितवन, वैशाख ६–

चितवनमा गम्भिर प्रकृतिका कोरोना भाइरस (कोभिड–१९) संक्रमितको संख्या बढेसंगै भरतपुर अस्पतालको कोभिड आइसियू भरिएको छ ।
१० बेड क्षमताको कोभिड आइसियू सबै भरिएको अस्पतालका कोभिड फोकल पर्सन डा.प्रमोद पौडेलले जानकारी दिए । आइसियूमा बिरामीको संख्या बढेसंग अस्पतालमा एचडियू कक्ष निर्माण गरिएको छ । अक्सिजनको मात्रै आवश्यकता पर्ने बिरामीलाई एचडियू कक्षमा राख्न थालिएको छ ।

संक्रमण पुष्टि हुनेमा धेरैजसो गम्भिर प्रकृतिका बिरामी छन् । उनीहरुलाई तत्कालै आइसियूको आवश्यकता पर्न सक्छ । ‘गम्भिर प्रकृतिका बिरामीलाई एचडियू र आइसियूमा मिलाएर राख्न थालेका छौं, यहि गतिमा बिरामी आउन थाले उपचार गर्न गाह्रो हुन्छ’–डा.पौडेलले भने ।

सरकारले स्थानीय सरकारी अस्पतालमा मात्रै कोभिडका बिरामीको उपचार गर्न पाउने कार्यविधि बनाएको थियो । सोही अनुसार जिल्लाको ठूलो अस्पताल चितवन मेडिकल कलेज (सिएमसी)ले कोभिडका बिरामी उपचार गर्न छोडेको थियो । तर कोभिडका बिरामी बढ्न थालेपछि सिएमसीले पनि उपचार गर्न थालेको छ ।

अस्पतालका फोकल पर्सन पारस अधिकारीका अनुसार सिएमसीमा १५ जना संक्रमितको उपचार थालिएको छ । अहिले ६ जना गम्भिर प्रकृतिका बिरामीको आइसियूमा उपचार भइरहेको छ । बाँकी बिरामीलाई एचडियू कक्षमा राखेर उपचार थालिएको अधिकारीले बताए । ‘अस्पताल आएपश्चात कोभिड पुष्टि भएका बिरामीको उपचार थालेका छौं, रिफरमा आउने गरेका बिरामीलाई राख्न समस्या भइरहेको छ’–अधिकारीले भने ।

कोभिड लक्षणसंग मिल्दोजुल्दो भएका बिरामीको तत्काल रिपोर्ट नआउँदा बिरामीको उपचारमा कठिनाई भइरहेको उनले बताए । ‘गम्भिर प्रकृतिका बिरामीलाई तत्कालै कोरोना रिपोर्टको अभावमा उपचार गर्न कठिनाई भइरहेको छ, न कोभिड आइसियूमा राखेर उपचार गर्न सकिन्छ न त सामान्य आइसियूमा नै’ अधिकारीले भने ‘यसो हुँदा कर्मचारी पनि बढी संक्रमित हुने डर बढ्यो ।’

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका