जोडिनुहोस
  • होमपेज
  • चितवनमा तिव्र रुपमा फैलियो कोरोना संक्रमण, एकैदिन ४० जनामा संक्रमण पुष्टि

चितवनमा तिव्र रुपमा फैलियो कोरोना संक्रमण, एकैदिन ४० जनामा संक्रमण पुष्टि

चितवन, वैशाख ६–

चितवनमा दिनप्रति दिन कोरोना भाइरस (कोभिड–१९) संक्रमितको संख्या बढ्दो छ । झण्डै शून्य संक्रमितको अवस्थामा पुगेको चितवनमा अहिले फेरि कोरोना ग्राफ उकालो लागेको छ ।

जिल्ला स्वास्थ्य कार्यालय चितवनले सोमबार दिउँसो सार्वजनिक गरेको तथ्यांक अनुसार एकैदिन ४० जनामा संक्रमण पुष्टि भएको छ । संक्रमित मध्ये ३४ जना भरतपुर महानगरपालिकाका, ३ जना रत्ननगर नगरपालिकाका, २ जना कालिका नगरपालिकाका र एक जना माडी नगरपालिकाका रहेका छन् ।

योसंगै चितवनमा सक्रिय संक्रमितको संख्या १६७ पुगेको छ । सबैभन्दा बढी संक्रमितको संख्या भरतपुर महानगरपालिकामा १४९ जना रहेका छन् । यस्तै रत्ननगर नगरपालिकामा ९ जना, कालिका नगरपालिकामा ३, खैरहनी, माडी र राप्ती नगरपालिकामा २÷२ जना सक्रिय संक्रमित छन् । एक मात्र गाउँपालिका इच्छाकामनामा अहिले शून्य संक्रमित छन् ।

संक्रमितहरु मध्ये १३१ जना होम आइसोलेसनमा छन् भने ३६ जना अस्पताल भर्ना भएका छन् । हालसम्म चितवनमा संक्रमितको संख्या ७ हजार ९९ पुगेको छ । जसमध्ये ११४ जनाको मृत्यु भएको छ । स्वास्थ्य कार्यालयका प्रमुख दिपक तिवारीले पछिल्लो समय चितवनमा संक्रमणदर उच्च रहेको बताए । उनले सावधानी नअपनाए चितवन अर्को हटस्पट बन्ने खतरा रहेको बताए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका